ZEREMIAH 51:21 - Mara Bible RV (BSI)

²¹ Nâma hmâpa ta arâ nata a kiahtuhpa chaphie ei na ta, Nâma hmâpa ta talailih nata a haohtuhpa ei chaphie ha ei.

ZEREMIAH 51:21 ပူးပေါင်းရင်းမြစ်များ

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

HLAZY 76:6

Hy Zakaw Khazohpa, na rana vâta, Arâ nata a kiahtuhpa zy pao ei ta, Nokhih pahno leipa ta ama y.

PUASAINA 15:1

Chatawhcha Mawsi nata Izarei sawzy cha Abeipa palyupalihpa ta he hla he sa ei ta. “Abeipa lâ hla ei sa aw, Rônahpa ta pahnie ta, Arâ nata a kiahtuhpa tilaipi chhôh lâ a thy hapa vâta.

PUASAINA 15:21

Miria ta, “Abeipa lâ hla sa teh u, Rônahpa ta pahnie ta; Arâ nata a kiahtuhpazy Tilaipi lâ a thy ha ei,” tahpa ta hla ta a chhihtha.

PUASAINA 15:4

“Phiraoh talailihzy nata a pheisaihzy tilaipi liata thy ta, A pheisaih hyutuh pha chaipazy Tilaipi Saihpa liata ama tlasao khai haw.

ISAI 43:17

Talailih nata arâzy parao ta, Pheisaih nata pasaiphazy paraopa ta, Pao ei ta thyu thei khao leipa ta a paysatuhpa, Mei pachhaipa hawhta âmo cha pachhai ta, Meiôh pala mei thiepa hawhta âmo a thiepa Abeipa ta hetana heta a tah:

ZEREMIAH 50:37

Zaozi ta Babylaw arâzy nata talailihzy a dyuh aw ta, A râh chhôh liata râh hropa pheisaih zydua â dyuh aw; Chatanachata chanô hawhta ama châ aw. Zaozi ta a ryusôhpazy a dyuh aw ta, Hraopa ama châ awh.

EZEKIA 39:20

Arâzy nata arâ pheisaihzy, chyhsa thatlôpa nata pasaipha chi nanopazy cha, ei tlâhkhai liata lôhrâtlôpa ta nama nie aw,’ Abeipa Zehôvâh ta a tah.

MIKÂ 5:10

Abeipa ta hetana heta a tah: “Cha noh liata, Na arâzy nâ tawhta chhawh pathlah aw na ta, Na talailihzy ei parao aw.

NÂHU 2:13

“Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

ZEKARIA 12:4

Cha noh liata, arâ zydua ama no pamaoh aw na ta, a kiahpazy chhôh ei pazohsa aw. Zudâh pathlazy chô liata ei mo padeih aw na ta, phopizy arâzy deikua cha ama mo ei pachaosa khai aw ei.

BIEPHUAH 19:18

beizy, pheisaih hyutuhpazy, pasaiphazy, arâ nata a kiahtuhpazy, chyhsa zydua, sei nata khotalaipazy, mochyhpa nata molaipa sapazy vaw nie teh u,” tahpa ta awh ta.