ZEREMIAH 51:16 - Mara Bible RV (BSI)

¹⁶ A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 51:16 ပူးပေါင်းရင်းမြစ်များ

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

ZAWBÂ 37:13

Chyhsazy pado nawpa ta tlyma, A râh chhaohlei papha naw­pa ta tlyma, A kyhpachâna palâsa nawpa ta tlyma, Meihdozy cha a paysa tyh.

ZAWBÂ 38:22

“Dâhaw sopakhyna liata nâ ngia beih ma? Pareih sopakhyna su na hmô beih ma?

ZAWBÂ 40:9

Khazohpa bâh hawhpa bâh na hnei ma? Ano ao hawhta tôkalôhpa a thuapa ao na papua thei ma?

HLAZY 104:7

Na rapa vâta tizy a râ ei ta, Na tôkalôhpa pyu vâta rawrôhpa ta amâ râ haw.

HLAZY 135:7

Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

HLAZY 147:18

A bie paphao ta, A bie ta dâhaw tlozy cha pazao ta; Thlih pathlisa ta, Tizy a palosa.

HLAZY 18:13

Abeipa cha avâzy tawhta a vaw thua ta, Chônôchaipa ta a ao papua ta, Pachie nata pareih thata a tla.

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 68:33

Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

HLAZY 78:26

Avâzy liata nochhi thlih pathlisa ta, A hmotaotheina ta chho thlih a pathlisa.

PUASAINA 10:13

Mawsi ta Izi râh chô liata a chôchahrei pazawh ta, cha noh cha noh y ta nata zâkhihdei ta, Abeipa ta Izi râh chô liata nochhi thlih vaw pathlisa ta. Mydi a vaw châ nahta, nochhi thlih ta khawsuzy vaw phaoh ta.

PUASAINA 10:19

Abeipa ta thlih cha notla thlih ru ngaitapa lâta paliesa ta, cha chata khawsuzy cha phaoh ta, Tilaipi Saihpa lâ phaoh pathlah ta, Izi râh chhôh zydua liata khawsu sâkha hmah y khao vei.

PUASAINA 14:21

Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

EZEKIA 10:5

Cherubizy mathlaw pyu cha, khôtho lâta dôhpachhôh tlyhmia tawh chhao ta thei theipa a châ. Khazohpa Atotaotheipa ta bie a rei nota a ao nata â lyu.

AMÔSÂ 9:7

“Hy Izarei sawzy saih u, Ei châta cha Kusi mo hawh dei châ hra veih ei chi ma?” Abeipa ta a tah. “Izi râh tawhta Izarei a kaw chhipa ta, Kâftaw tawhta Philistinâ a chhi na ta, Kiri tawhta Aramia a chhipa kha, Kei châ va na ma?

ZAWNA 1:4

Châhrasala Abeipa ta thlihpipa ru ngaitapa tilaipi chô liata vaw tuah ta, chatanachata chothyu ru ngaitapa tilaipi liata vaw pathli ta, balyh cha rao daihmâ ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.