ZEREMIAH 51:13 - Mara Bible RV (BSI)

¹³ Hy nâ, ti hluhpi kiah liata pahrâ chi ta, Ryusôhpazy a hnei hluhpa y, Na chhâna vaw tlô ha ta, Na hrona ri a chie haw.

ZEREMIAH 51:13 ပူးပေါင်းရင်းမြစ်များ

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

HLAZY 137:1

Babylaw chavah kiahzy liata, Cha liata a tyuh pi ta eima cha tyh, Zaio eimâ thei châh ta.

ISAI 43:14

Abeipa, nâmo châ Chatlaituhpa ta hetana heta tah ta, Izarei Mo Pathaihpa ta hetana heta a tah: “Nâmo vâta Babylaw lâ pheisaih tuah aw na ta, Arâpazy hawhta ei zâ chhi khai aw ei; Amâ ly kaw tyhpa balyhzy cheingei hmâpa ta, Kaldia mo chhao ei za siekhei aw ei.

ISAI 45:3

Kei Abeipa, Izarei Khazohpa heta, Na moh tlai ta ei cha aw tahpa na pahno thei nawpa ta, Zohna ryusôhpazy cha pie aw na ta, Su a nyupazy liata sôh nyupazy ei cha pie aw.

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ZEREMIAH 17:11

Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

ZEREMIAH 50:31

“Hy nâ, chyhsa a palaipa, ei châ dyuh; Na noh vaw tlô ha ta, Ei cha hrie nawpa daihti a vaw tlô haw,” Pheisaihzy Abeipa Zehôvâh ta a tah.

ZEREMIAH 50:37

Zaozi ta Babylaw arâzy nata talailihzy a dyuh aw ta, A râh chhôh liata râh hropa pheisaih zydua â dyuh aw; Chatanachata chanô hawhta ama châ aw. Zaozi ta a ryusôhpazy a dyuh aw ta, Hraopa ama châ awh.

ZEREMIAH 51:36

Chavâta Abeipa ta hetana heta a tah: “Pachâ teh, na chhâh a châ aw na ta, Na phuh ei cha lapa aw. A tilaipi pakua aw na ta, A tihnawh ei pachawhkaraisa aw.

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

DÂNIAH 5:26

He he a chhopasiana a châ: MENE, Khazohpa ta na khinarâh nohzy reipati ha ta, a chhâna a patlôsa haw.

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

BIEPHUAH 17:1

Chatawhcha vâlyuhchâpa pasari hry liata pakha, biebuh miasari a hneipa a vy ta, ei hnohta, “A vy tua, ti hluhpi chô liata a tyuhpa âzuahnô rônahpa pachiana ei cha pamosa aw.

BIEPHUAH 17:15

Chatawhcha vâlyuhchâpa ta ei hnohta, “Âzuahnô atyuna ti na hmôpazy kha, phopizy, zawpizy, râhzy nata reihzy ama châ.

BIEPHUAH 18:19

Ama luh liata buchadoh a mia ei ta, awh ei ta, hetana heta chapa ta mâchhie ama sâ: “Cha rimâ cha! Cha rimâ cha! Khihpi rônahpa, A hneirôna hmâpa ta, Tilaipi balyh hneituhpazy A pahneirôhsapa khihpi! Dawh kha chhôh ta, A lei khai ha he zaw!