ZEREMIAH 51:12 - Mara Bible RV (BSI)

¹² Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

ZEREMIAH 51:12 ပူးပေါင်းရင်းမြစ်များ

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 13:2

“Tlâh padâ tawhta ngiana poh chaluahpa ta, A paropa ta Babylaw mo cha awsao u la, Beimachâ chhikaozy liata a ngia awpa ta, Nama ku thliethlâpa teh u.

ZEREMIAH 23:20

A palôh ta â chhuahpazy tao aw ta, A patlô hlâlei cha, Abeipa hiehâhna cha kua aw vei. Cha cha noh hnôhlâzy liata Nama pahnopasia aw.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 50:25

Pheisaih Abeipa Zehôvâh cha, Kaldia râh liata tao awpa a hneipa vâta, A chariah chhaichhi sona pahy ta, A hiehâhna chaihraizy a thaoh haw.

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

ZEREMIAH 51:27

“Râh liata ngiana poh chaluah u la, Phopizy hry liata chiahmie tô teh u; Ano a dyuh awpa ta khinarâhzy aw u la, Ararâ, Mini nata Askenâ râhzy aw teh u; Ano a dyuh awpa ta pheisaih hyutuhpa rao u la, Khawsu pôpi hawhta hluhpa ta arâzy a chhi teh u.

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

ZÔELA 3:2

Phopi zydua pahmaoh aw ei na ta, Zehôsaphâ Saikao lâ ei chhi aw ei; Cha liata âmo cha, Ei phopi nata ei ryuto Izarei moh ta ei pachia aw ei. Izarei sawzy cha phopizy hry liata papai ei ta, Ei râh amâ raipa vâta, Phopizy cha ei pachia aw ei.

NÂHU 2:1

Hy Ninivâ, papaituhpa ta a cha vaw siehnao. Na thokhyzy liata chyhsa soh la, Lâpi vaih teh; Na chai a saih la, Na tha zydua pachhi teh.

ZAWSUA 8:14

Ai khih bei ta Izarei pheisaihzy cha a hmô nahta, ano nata a khihsawzy cha a parapa ta mydi ta thyu ei ta, Arabâ dady su raopa liata Izarei a dyuh awpa ta pua ei ta. Châhrasala khihpi hnôh lâ tawhta amâ vaw byhpa pahno leipa ta.