ZEREMIAH 51:11 - Mara Bible RV (BSI)

¹¹ “Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

ZEREMIAH 51:11 ပူးပေါင်းရင်းမြစ်များ

1 ABEIZY 11:14

Chatanachata Abeipa ta Edômâ chyhsa Hâdâ cha Sawlawmaw khakhaipa lâta pachâsa ta. Ano he Edômâ râh liata abei pathla a châ.

1 ABEIZY 11:23

Khazohpa ta Sawlawmaw khakhaipa châta Eliadâ sawchapawpa Rezô chhao pathyu ta. Rezô he a zibeipa Zôbabi bei Hadâdeze tawhta â râpa kha a châ.

1 THÂTIHZYRONA 5:26

Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

2 THÂTIHZYRONA 36:22

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 1:1

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

ISAI 10:26

Ôrebâ lôpanô liata Midia a thie no hawhna khata, Pheisaihzy Abeipa ta Asuria cha chheina savo ri ta a chhei aw. Izi râh liata a chaluahpa hawhna khata, tilaipi chô liata a chôchahrei a chaluah aw.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 21:5

Tlâhkhai a chhuahdypa ta, Vaituhpazy soh ei ta, Niepa ta, doh ei ta. Hy beimachâzy saih u, thyu u la, Vyhphao kha sathaw thu teh u!

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ISAI 45:1

Abeipa ta Kôresâ hnohta hetana heta a tah: “Na hmiakô liata phopizy panawhpa ta ypa ta, Beizy chaisaih pathlâpa ta y sala, Chhikaozy khawpa a châ lei nawpa ta, Na hmiakô liata ochhizy pahy awpa ta, Na ku chachâh lâ cha patu na ta, Sathaw ei cha thupa na châ.

ISAI 45:5

Kei he Abeipa cha châ na ta, Abeipa hropa y leipa ei ta, Keima leipa ta Khazohpa hropa y veih ei. Eina vaw pahno leipa chhao chi ta, Kei ta na chai ei cha saih.

ISAI 46:11

Nochhi lâta sahei a niepa pavaw aw aw na ta, Râh hlapi liata ei chyhsa ryhraotuhpa ei aw aw. Reih ha na ta, Ei vaw patlôsa aw; A chhuah ha na ta, Ei tao aw.

ZEREMIAH 25:25

Zimri bei zydua, Elâmi bei zydua nata Media bei zydua;

ZEREMIAH 46:3

“Vyhphao laipa nata vyhphao chyhpa zy a chhuanoh u la, Adyuhna lâ sie teh u!

ZEREMIAH 46:4

Arâzy ky padia u la, Hy arâ pheisaihzy saih u, kiah teh u! Lakhu a khupa ta â ipa ta a duah u la, Nama aseizy chatapa ta, Adyuhna thua viahkao a ky teh u!

ZEREMIAH 46:9

Hy arâzy saih u, tôh u la, Hy talailihzy saih u, a pathluah teh u! Pasaiphazy pua mawh ei sy: Vyhphao a chabapa Kusi mo nata Puti mozy pua ei sala, Likathaipa Ludi mo chhao pua mawh ei sy.

ZEREMIAH 50:25

Pheisaih Abeipa Zehôvâh cha, Kaldia râh liata tao awpa a hneipa vâta, A chariah chhaichhi sona pahy ta, A hiehâhna chaihraizy a thaoh haw.

ZEREMIAH 50:3

“Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 50:45

Chavâta Babylaw chô liata Abeipa ta tao â chhuahpa he nathlie u la, Kaldia râh chô liata tao â chhuahpazy he nathlie teh u: Ama sahroh zaw tawzy a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

ZEREMIAH 50:9

Pachâ teh u, maw lâ râh phopi rônahpazy pahmaoh aw ei na ta, Babylaw a dyuh awpa ta pathyu aw ei na ta ei vaw chhi aw ei. Babylaw a dyuh awpa ta a paziah aw ei ta, Babylaw cha maw lâ tawhta pahniepa a châ aw. Ama châtaizy cha, Chariah a dyuh thaipa pasaipha lyu ei ta, Ku ruapa ta a kua leipa a châ.

ZEREMIAH 51:12

Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

ZEREMIAH 51:24

Châhrasala Babylaw khihpi nata Kaldia chyhsazy cha, Zaio chô liata hmo chhiepa ama taopa zydua vâta, Nama mohmô lia tlai ta viari ei thô aw ei,” Abeipa ta a tah.

ZEREMIAH 51:35

Kei nata ei chiheihzy chô liata Thachahra miah ama hmâ thlupa he, Babylaw chô liata vaw tlô mawh sy,” tah ei sala, Zerusale ta, “Ei thisaih maoh cha, Kaldia chyhsazy chô liata a y aw,” tah mawh sy.

ZEREMIAH 51:36

Chavâta Abeipa ta hetana heta a tah: “Pachâ teh, na chhâh a châ aw na ta, Na phuh ei cha lapa aw. A tilaipi pakua aw na ta, A tihnawh ei pachawhkaraisa aw.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

ZÔELA 3:10

Nama leipaliena thua pazaopazy cha, Zaozi lâta daih u la; Theilâ kô nama taina tâkôzy cha, Asei lâta daih teh u. Chyhsa chiehleipa chhao ta, “Thatlôpa ei châ,” tah mawh sy.

ZÔELA 3:9

Phopizy hry liata he he phuah teh u: Adyuhna a chhuanoh u la, Pasaiphazy pathyu teh u. Pheisaih zydua a vaw hnia ei sala, A khy mawh ei sy.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

ZEKARIA 14:12

Zerusale a dyuhtuhpa phopizy cha, Abeipa ta he potlana heta a hrie aw ei: Ama phei ta amâ dua thlah ha nota ama sapa zao aw ta, ama mokhaoh chhôh liata ama mo zao aw ta, ama pakah chhôh liata ama paleih a zao aw.

ZEKARIA 14:2

Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.