ZEREMIAH 50:6 - Mara Bible RV (BSI)

⁶ “Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

ZEREMIAH 50:6 ပူးပေါင်းရင်းမြစ်များ

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 119:176

Mietaku a leipa hawhta viavi na ta, Châhrasala na biepiepazy ei my leipa vâta, Châ chakaotuhpa he vaw tlua mah y.

HLAZY 23:2

Si panyupa suzy liata na pabyusa tyh ta, Ti achalihna kiahzy liata einâ chhi tyh.

HLAZY 32:7

Nâ cha ei nyuna su châ chi ta, Nôpona tawhta na pabohsapa ta, Pachhana hlazy ta eina chadôsa chi. Selah

HLAZY 90:1

Abeipa, nâ cha chhâ zydua ta, Eima pahrâna na châ.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ZEREMIAH 10:21

Mietaku vaituhpazy cha ahrupa châ ei ta, Abeipa a saohiahna châh pahno veih ei. Chavâta vânoh to leipa ei ta, Ama mietaku zawzy ama pai khai haw.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 23:1

“Ei sibiepa su liata mietakuzy pahleipadiapa ta a papaituhpa mietaku vaituhpazy ama hu a po na!” Abeipa ta a tah.

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

ZEREMIAH 33:12

“Pheisaihzy Abeipa ta hetana heta a tah: Chyhsapa nata râhsa y leina, he roryhrana su nata a khihpi zydua liana heta, mietaku vaituhpazy pahrâna suzy y heih aw ta, ama mietaku zawzy ama pabyusa heih aw.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 50:19

Izarei cha a tlaih tyhna su lâ a chhi heih aw na ta, Kâmel nata Bâsanâ liata tlaih heih aw ta, Epharai tlâhzy nata Kilia liata Hro lôhrâtlôpa ta a y heih aw.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 34:14

Sibiepa phapa suzy liata pasa aw ei na ta, Izarei tlâh sâhpazy cha ama lao bâna su a châ aw. Mietakuzy tlaihna su phapa liata a byu aw ei ta, sibiepa phana Izarei tlâhpizy liata ama lao ama bâ tyh aw.

EZEKIA 34:15

Keima tlai ta ei mietakuzy cha pasa aw na ta, ei pabyusa aw ei, Abeipa Zehôvâh ta a tah.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

MATHAI 10:6

Izarei phopi mietaku a leipazy lâta tlao sie teh u.

MATHAI 15:24

Zisu ta, “Izarei phopi mietaku aleipazy hnoh dei ta tuapa ei châ,” tah ta.

MATHAI 9:36

Zawpizy a hmô nahta, vaituhpa hnei leipa mietakuzy hawhta, nôpopa nata baotuhpa hnei leipa ta ama ypa vâta, âmo cha a thapasa ngaita ta.

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.