ZEREMIAH 50:4 - Mara Bible RV (BSI)

⁴ “Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

ZEREMIAH 50:4 ပူးပေါင်းရင်းမြစ်များ

2 THÂTIHZYRONA 7:14

ei moh a phaohpa ei phopi ta a panawh ei sala, thlahchhâpa ta ei hmia tlua ei sala, ama yzie moleinazy amâ heihsai khiahta cha, vârâh tawhta vaw nathlie aw na ta, ama moleinazy a ngiahthai aw na ta, ama râh cha ei patlâh heih aw.

HLAZY 105:4

Abeipa nata a thatlôna tlua u la, A hmia khâ tlua muh vy!

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 45:19

Lei zohpa liana heta, Arulâta bie reih beih leipa na ta; Zakaw chipathla hnohta chhao, ‘Hraoleipa ta na tlua teh,’ Tah beih va na. Kei, Abeipa he siana bie reih na ta, Biedopa a phuahpa ei châ.”

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

ZEREMIAH 31:31

“Pachâ teh u, Izarei pathlazy nata Zudâh pathlazy hnohta biehrai thiehpa ei tao nawpa nohzy a vaw tlô hai,” Abeipa ta a tah.

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

ZEREMIAH 41:6

Nethaniah sawchapawpa Ismela cha âmo dy awpa ta Mizpâ tawhta pua ta, lâpi tlykha cha laih ta. Â tyh nah ei ta, ama hnohta, “Ahikâ sawchapaw­pa Kedaliah lâ a vy teh u,” tah ta.

EZEKIA 16:61

Chatanachata na narôzy, na uhta nata na nawhta zy na hmô ti ei ta, na hrozie parohpazy a kaw thei heih aw chi ta, nâmasasyh ta nâ zakhei kaw aw. Âmo cha na sawchanôzy châ awpa ta cha pie na ta, na hnohta biehrai ei taopa chhôh liata deikua a hlao aw veih ei.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

ZÂMIE 4:9

Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.