Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.
Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.
Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.
Abeipa, nâmo châ Chatlaituhpa ta hetana heta tah ta, Izarei Mo Pathaihpa ta hetana heta a tah: “Nâmo vâta Babylaw lâ pheisaih tuah aw na ta, Arâpazy hawhta ei zâ chhi khai aw ei; Amâ ly kaw tyhpa balyhzy cheingei hmâpa ta, Kaldia mo chhao ei za siekhei aw ei.
Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.
Moh teh u, chariahpa cha pahmôhpi hawhta a pasâhpa ta, Bôzrâ chô liata a mathlaw pakaipa ta za tla thlu aw ta, cha noh liata Edômâ pasaiphazy palôh cha, chanô sawzeihpa palôh hawhta a châ aw.”
Nâma hmâpa ta mietaku vaituhpa nata a mietaku zaw ei chaphie ha ei; Nâma hmâpa ta lyutaopa nata a viahchao tôhpa bao chaphie na ta, Nâma hmâpa ta râhvaotuhpazy nata beimachâzy ei chaphie ha ei.
Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.
Na pheisaihzy kha moh tua, Chanôzy ama châ khawh. Na râh thokhy chhikaozy cha, Na chariahzy hmia liata a kawh pi ta â pahy; Na thokhy chhikao hraina lâhreizy chhao, Mei ta a kâ khai haw.
Châ hmôpa zydua ta châ sysai aw ei ta, “Ninivâ cha roryhrapa ta y ha ta, Ahy ma ano châta mâchhie a sa aw?” Ama tah aw. Thlah châ palôh awpazy cha, Khataih liata ei tlua aw?
apalaina ta a biepa châ ta, khâpa hmah a pahno leipa a châ. Aeichhiana nata ahryusina a y thei awpa biezy hrukhei ei ta, chazy chata uahvana, atudaina, reipachhiena nata ngâleina hmo pha leipazy a paysa tyh.
Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.
Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.