ZEREMIAH 50:3 - Mara Bible RV (BSI)

³ “Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 50:3 ပူးပေါင်းရင်းမြစ်များ

ÂTHAONA 6:7

Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ISAI 45:1

Abeipa ta Kôresâ hnohta hetana heta a tah: “Na hmiakô liata phopizy panawhpa ta ypa ta, Beizy chaisaih pathlâpa ta y sala, Chhikaozy khawpa a châ lei nawpa ta, Na hmiakô liata ochhizy pahy awpa ta, Na ku chachâh lâ cha patu na ta, Sathaw ei cha thupa na châ.

ZEREMIAH 21:6

He khihpi liata a pahrâpa chyhsapa nata sahrohzy ei thie aw ei. Potlana ru ngaitapa ta ama thi aw.

ZEREMIAH 50:9

Pachâ teh u, maw lâ râh phopi rônahpazy pahmaoh aw ei na ta, Babylaw a dyuh awpa ta pathyu aw ei na ta ei vaw chhi aw ei. Babylaw a dyuh awpa ta a paziah aw ei ta, Babylaw cha maw lâ tawhta pahniepa a châ aw. Ama châtaizy cha, Chariah a dyuh thaipa pasaipha lyu ei ta, Ku ruapa ta a kua leipa a châ.

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

ZEREMIAH 51:62

‘Hy Abeipa y, he su kyh liata, chhawh pathlahpa châ aw ta, chyhsapa tlyma râhsa tlyma, khâpa hmahta pahrâ khao leipa ta, chhâzaw ta roryhrapa ta a y awpa kyh na rei hapa kha a châ,’ tah mah y.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.