ZEREMIAH 50:20 - Mara Bible RV (BSI)

²⁰ Laibâhpa châta ei pahlôhpazy cha, Ei ngiahthai awpa vâ ei ta, Cha nohzy nata cha daihti liata, Izarei liata paraona tlua aw ei ta, Hmô aw veih ei; Zudâh liata moleina tlua aw ei ta, Hmô aw veih ei,” Abeipa ta a tah.

ZEREMIAH 50:20 ပူးပေါင်းရင်းမြစ်များ

HLAZY 103:12

Nochhi nata notla â hlapa tlu ta, Eima paraonazy cha keimo tawhta lâhlapi lâta a pasie haw.

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

HLAZY 85:3

Na pathiiana zydua pachhâsa chi ta, Na hiehâhna ru ngaitapa nâ heihsai haw.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 10:21

Laibâhpazy vaw kua aw ei ta, Zakaw laibâhpazy cha Khazohpa thatlôpa lâ ama kua heih aw.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

ZEREMIAH 33:8

Ei chô liata ama moleina thaileichâna zydua tawhta pathaisa aw ei na ta, ei chô liata ama moleina thaileichâna zydua a ngiahthai aw ei na ta, einâ dyuhna zydua chhao ei kha ei ngiahthai aw ei.

ZEREMIAH 44:14

Cha hriena cha, Izi râh liata pahrâ awpa ta a vaw siepa Zudâh laibâhpa ahy hmahta khôkhâh leipa aw ei ta, hriena tawhta a boh hra leipa aw ei ta, kua heih ta pahrâ heih awpa ama kho kawna Zudâh râh lâ chhao, ahy hmahta kua heih thei aw veih ei. Arulâta a râpazy tah leipa ta cha, ahy hmahta kua heih khao aw veih ei.”

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

EZEKIA 18:22

Moleina a vaw tao hapa khâpa hmah a theipa châ khao leipa aw ta, siana a vaw tao hapa vâta a hroh aw.

MIKÂ 7:19

Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

ZEPHANIA 3:12

Nama hry liata nônaipa nata areisipazy deikua cha, Pahlôh aw ei na ta, Abeipa moh cha amâ bohna a châ aw.

ZEKARIA 3:9

Zawsua hmiakô liata alô ei sopa he a phapa ta ngia teh u, mokhaoh miasari a hneipa alô a châ. A chô liata bie roh aw na ta, he râh moleinazy he noh kha chhôh ta ei pahlei khai aw.

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

RAWMA 11:6

Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei.

RAWMA 5:16

Hmosaipiepa cha chyhsa pakha moleina vâta hmo a vaw ypa nata a lyu vei. Thailei pachâsana pachiana cha chyhsa pakha vâta vaw y ta, thai pachâsana hmosaipiepa deikua cha, moleina hluhpi vâta tlao a vaw ypa a châ.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

2 PITY 3:15

Eima unawh kho ngaitapa Pawla chhao ta, a hnohta sona piepa lymâ hawhta nâmo lâ châ a ropa hawhna khata, eima Beipa daotheizie he pachhana ta rao teh u.