ZEREMIAH 50:2 - Mara Bible RV (BSI)

² “Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 50:2 ပူးပေါင်းရင်းမြစ်များ

HLAZY 64:9

Chatanachata chyhsa zydua ta chipa ta, Khazohpa raihria phuah aw ei ta, A hmotaopazy ama pachâ aw.

HLAZY 96:3

Râhzy liata a rônahzie phuah u la, Phopi zydua hnohta a hmotao noâhpazy phuah teh u!

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

ISAI 12:4

Cha noh liata hetana heta nama tah aw: “Abeipa lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

ISAI 13:2

“Tlâh padâ tawhta ngiana poh chaluahpa ta, A paropa ta Babylaw mo cha awsao u la, Beimachâ chhikaozy liata a ngia awpa ta, Nama ku thliethlâpa teh u.

ISAI 21:9

Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ISAI 39:1

Cha daihti liata, Bâladâ sawchapawpa Babylaw bei Merôdâ Bâladâ ta Hezekia tlâhleipa thâtih vaw thei ta. Hezekia lâta vyuhtuapazy tuah ta, châ nata kuhria zy paphao ta.

ISAI 46:1

Bel a bôh ta, Nebô â pahnai; Ama khazoh nothlahpazy cha, Râhsazy nata sahrohzy chô liata ama khaih. He hmozy nama phaopa he, Sahroh thachhâpazy chô liata Phaohri hawh deita a châ.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 48:6

Thei ha ei chi ta, Cha zydua cha tahmâ moh teh u. Phuah aw veih ei chi ma? Tahmâ tawhta cha, Hmo thiehpazy cha pahnosa aw ei na ta, Hmo â nyupa nama pahno beih leipazy Ei cha pahnosa aw ei.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

ZEREMIAH 4:16

Phopizy zikyu a râ u la, Zerusale liata phuah teh u. Dôhtuhpazy râh hlapi tawhta vaw tlô ei ta, A pahôpahâhpa ta Zudâh khihpizy ama phyh chie.

ZEREMIAH 4:6

Zaio lâta ngiana poh chaluah u la, Abohna tluapa ta a râ teh u; Nama nainô sô khah sy, Maw lâ tawhta chhiena vaw patlôsa aw na ta, Chhiena rarôh ypa ei vaw patlôsa aw.

ZEREMIAH 46:14

“Izi râh liata phuah u la, Mikadô liata tlâh awh teh u; Mephi nata Tâpahe liata phuah u la, ‘Nama chheipâh ta a ypazy cha, Zaozi ta palâ khai ha ei ta, Chavâta â ipa ta a duah u la, A pachyh muh vy,’ tah teh u.

ZEREMIAH 50:46

Babylaw pahniena pyu ta alei chalyusa aw ta, a chana ao cha phopizy ta ama thei aw.”

ZEREMIAH 51:12

Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

ZEREMIAH 51:27

“Râh liata ngiana poh chaluah u la, Phopizy hry liata chiahmie tô teh u; Ano a dyuh awpa ta khinarâhzy aw u la, Ararâ, Mini nata Askenâ râhzy aw teh u; Ano a dyuh awpa ta pheisaih hyutuhpa rao u la, Khawsu pôpi hawhta hluhpa ta arâzy a chhi teh u.

ZEREMIAH 51:31

A khihpi cha su to liata la hapa a châna kyh Babylaw bei chho awpa ta, Zikyurâtuhpa ta zikyurâtuhpa hropa a kei tyh ta, Lyuhchâpa ta lyuhchâ hropa â kei tyh.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

ZEREMIAH 51:47

“Chavâta pachâ teh u, Nohzy a vaw tlô hai; Cha nohzy liata, Babylaw khazoh nothlahpazy cha hrie aw ei na ta, Râh pôhpalôhpa maophyuhpa ta ei paysa aw; A chyhsa ama thiepa zydua A chhôh liata pao aw ei ta, Ama ri â zawh aw.

ZEREMIAH 51:52

“Chavâta moh teh u, Nohzy a vaw tlô hai; Cha nohzy liata, Babylaw khazoh nothlahpazy cha pachia aw ei na ta, Babylaw râh zydua hmaphaohpazy ta bie aw ta, Amâ hrô hôlô aw,” Abeipa ta a tah.

ZEREMIAH 51:8

Babylaw cha eikhapi ta pao ta, A keichheih haw; Chakhei u la, A hmah liata thohna hniapa teh u, A tlâh thei ngyu aw.

ZEREMIAH 52:31

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh pangawhna noh ta patâhna o tawhta papua ta.

ZEREMIAH 6:18

Chavâta Hy phopizy saih u, Nathlie u la; Hy zawpizy saih u, Ama chô liata a tlô awpa pahno teh u.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

DÂNIAH 3:14

Nebukaneza ta âmo cha bie a chho ta, ama hnohta, “Hy Sâdarâka, Mesâka, Abenekô, ei khazohzy chakao leipa ei chi ta, ngôh nothlahpa ei paduapa chhao a chhy veih ei chi, tahpa he â do ma?

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.