ZEREMIAH 50:19 - Mara Bible RV (BSI)

¹⁹ Izarei cha a tlaih tyhna su lâ a chhi heih aw na ta, Kâmel nata Bâsanâ liata tlaih heih aw ta, Epharai tlâhzy nata Kilia liata Hro lôhrâtlôpa ta a y heih aw.

ZEREMIAH 50:19 ပူးပေါင်းရင်းမြစ်များ

EZRÂ 2:1

Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

HLAZY HLA 6:5

Na mozy ta na pahnie tu ha ei ta, Rie na moh khao khah y; Na sâ chhao mie hri lyu ta, Kilia tlâhpi tawhta a zâ chôpa mie hri tlai a lyu.

ISAI 33:9

Râh cha mâchhiesapa ta panao ta, Lebanaw cha nohzaopa ta a uah lymâ. Saraw bypi cha râhchawhpa lyu ta, Bâsanâ nata Kâmel chhao ama hnazy a zô khai haw.

ISAI 35:2

Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 30:18

“Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZEREMIAH 31:14

Theihthaipazy hro cha, Sa thawhpa ta lôhrâpatlôsa aw ei na ta; Ei phopi chhao, Ei phana ta lôhrâtlôpa ta ama y aw,” Abeipa ta a tah.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

ZEREMIAH 31:6

Epharai tlâh râh liata vaituhpazy ta, ‘Thyu teh u, Zaio lâ sie ei sih la, Abeipa eima Khazohpa lâ sie ei suh u,’ Ama tahna nohzy a vaw tlô aw.”

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

ZEREMIAH 46:27

“Nâ deikua cha, Hy Zakaw, Nâ chakaotuhpa y, chi leipa la, Hy Izarei, riahchhiepa ta y khah y. Pachâ teh, lâhlapi tawhta cha pachha aw na ta, Na chipathlazy cha, Ama seichâna râh tawhta ei pachha aw ei. Zakaw cha vaw kua aw ta, Sidiapa nata chhôhmohpa ta a y aw; Ahy ta hmah pachisa khao aw veih ei.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

EZEKIA 11:17

Chavâta ama hnohta, ‘Abeipa Zehôvâh ta hetana heta a tah: Phopizy hry tawhta cha pakhypa ta, hiepatlapa ta nama yna râhzy tawhta cha pahmaoh aw ei na ta, Izarei râh ei cha pie aw ei,’ tahpa ta reih mah y.

EZEKIA 36:24

Phopizy hry tawhta cha lapa ta, râh to tawhta cha pakhy aw ei na ta, nama râh lâ tlai ei châ chhi aw ei.

EZEKIA 36:33

“Abeipa Zehôvâh ta hetana heta a tah: Nama paraona zydua tawhta ei cha pathaisana noh liata, khihpizy cha chyhsa pahrâna ta tao aw na ta, su rypazy paduapathipa a châ aw.

EZEKIA 38:8

Noh hluhpi tawhta chariah a dyuh awpa ta awpa na châ aw. Kô a vaw tlô awpazy liata, zaozi tawhta pachhapa râh na siehnao aw. Cha râh cha, phopi hluhpi tawhta Izarei tlâhpizy liata pahmaoh pakhypa chyhsazy yna râh châ ta, roryhrapa ta khâ a ypa râh a châ. A chyhsazy cha phopizy hry tawhta a chhi papuapazy châ ei ta, tahmâ cha ama zydua ta thlalôhpa ta a y hapazy ama châ.

EZEKIA 47:18

“Nochhi lâta râhri cha, Haurâ nata Dâmaskâ likawh liata sie lymâ aw ta, Kilia nata Izarei râh likawh ta Zudâh chavah saopa ta, nochhi tilaipi lâta sie aw ta, Tâmâri a tlô aw. Cha cha nochhi lâta râhri a châ aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

ZEKARIA 10:10

Izi râh tawhta a chhi pakhua heih aw ei na ta, Asuria tawhta ei pakhy aw ei. Kilia râh lâ a chhi aw ei na ta, Lebanaw râh lâ ei chhi aw ei, A su ta â tlôh khao leina taihta.

MALUHREINA 32:1

Rubena nata Kâdâ pathlazy cha sahroh hluhpi hnei ei ta. Zaze râh nata Kilia râh hmô ei ta. A su cha sahroh châta su pha ngaitapa châ ta.

MALUHREINA 32:4

Izarei zawpi hmiakô liata Abeipa ta a panawhpa râh, sahroh châta a pha ngaitapa râh a châ. Châ chakaotuhpazy he sahroh hnei pi ta.

ZAWSUA 17:15

Zawsua ta ama hnohta, “Cha hawhta maluh hluh ngaitapa chipho châ u la, Epharai tlâh râh cha nama châta a buah tu khiahta cha, nâmo tlai ta Perizi mo nata Rephai mo râh lâ khy u la, ama râhmâhpazy khi nama y nawpa ta kaw pathai muh vy,” tah ta.