ZEREMIAH 50:16 - Mara Bible RV (BSI)

¹⁶ Chi hietuhpa cha, Babylaw tawhta chhawh pathlah u la; Savâ ta sâh a hria tyhpa chhao, Chhawh pathlah teh u. Tlybaituhpa zaozi vâta, Chyhsa to âmo phopi chyu pangai ei sala, Âmo râh chyu lâta a râ mawh ei sy.

ZEREMIAH 50:16 ပူးပေါင်းရင်းမြစ်များ

ISAI 13:14

Sakhih amâ chadaipa hawhta, Chyhsa to ama chiheihzy lâ a heih aw ei ta, Pahmaohtuhpa a hnei leipa mietaku hawhta, Chyhsa to ama râh chyu lâta amâ râpai aw.

ZEREMIAH 25:38

Tlybaituhpa zaozi vâta, Abeipa hiehâhna ru ngaitapa vâta, Ama râh cha roryhrapa ta a y haw; Chakeibarôhneipa ta a lôpu a puasaipa hawhta, Abeipa ta a pahrâna a puasai haw.”

ZEREMIAH 46:16

Abeipa ta chyhsa hluhpi chakhosa ta, Amâ pao thlu hôlô. ‘Thyu ei sih la, eima phopi lâ kua sih la, Eima pina râh lâ kua ha ei suh u, Tlybaituhpazy zaozi eimâ tyh hih,’ ama tah.

ZEREMIAH 51:23

Nâma hmâpa ta mietaku vaituhpa nata a mietaku zaw ei chaphie ha ei; Nâma hmâpa ta lyutaopa nata a viahchao tôhpa bao chaphie na ta, Nâma hmâpa ta râhvaotuhpazy nata beimachâzy ei chaphie ha ei.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

ZÔELA 1:11

Hy lyutaopazy saih u, Nozapa ta y u la; Kre sadô mohôhtuhpazy saih u, A hrô teh u; Âtâ nata bâli sâhzy y khao leipa ta, Lyu kôvei a lei khai ha hih.

AMÔSÂ 5:16

Chavâta Abeipa Zehôvâh, Pheisaihzy Khazohpa ta hetana heta a tah: “Tlyliah zydua liata chana y aw ta, Tlyliah to liata, ‘Cha rimâ cha! Cha rimâ cha!’ ama tah aw. Mâchhiesa awpa ta, Lyutaopazy awpakhy aw ei ta; Cha awpa ta, Chaphôhtu thaipazy ama hrua aw.