ZEREMIAH 5:7 - Mara Bible RV (BSI)

⁷ “Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

ZEREMIAH 5:7 ပူးပေါင်းရင်းမြစ်များ

2 THÂTIHZYRONA 13:9

Arawna pathla Abeipa theihthaipazy nata Livai pathlazy papuapa ta, râh hropazy liata phopizy taozie hawhta theihthaipazy namâ taopa châ vei ma? Viahchao tôh dawpa pô kha tlyma, mietaku tôhpa pô sari tlyma a vaw cheihpa maih cha, Khazoh hmeiseihpa a châ leipa khazohzy theihthaipa ta nama tao lymâ.

ZAWBÂ 31:12

Chhokhih taihta a kâ theipa mei châ ta, Ei kôvei zydua a thari taihta a kâ khai theipa mei a châ.

HLAZY 50:18

Aparupa na hmô nahta, A chô liata a ly chi ta, Apheipazy nâ kao tyh.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 16:11

hetana heta nâ chhy aw ei: ‘Châ pathlatuhpazy ta kei na siesaipa ta, khazoh hropazy pazi ei ta, cha khazohzy cha chakaopa ta, a chhy ei ta, kei na siesaipa ta, ei ryhpa ama zyh leipa vâta a châ.

ZEREMIAH 16:20

Chyhsapa ta anosasyh ta a khazohzy â tao thei ma? Chazy cha khazoh châ veih ei.”

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 23:10

Râh cha apheipazy ta bie ta, Chhiesana vâta râh mâchhiesa ta, Râhchawhpa sibiepazy a raoh khai haw. Hmo pha leipa lâpi a chhih ei ta, Â doleipa ta ama thatlôna a hmâhpa ama châ.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 3:8

Ngiapâ hnôhsypa Izarei cha, â pheina zydua vâta mana châ pie na ta, ei papua hapa kha Zudâh ta a hmô. Chatanachôta a narônô haiphiahnô Zudâh ta chi hlei leipa ta, sie ta â zuah lymâ hra.

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

CHAPHÔHTUNA 3:42

“Hmoparao pi ta eima châ dyuh, Chavâta miah a ngiahthai va chi.

EZEKIA 22:11

Chyhsa ta a vaih lapinô chô liata hmo pasichhihpa tao ta, mohropa ta sihryh ngaitapa ta a myuhnô papuapalei ta, mohropa ta a sietanô, a paw sawchanô tlai cha khihpi chhôh liata a ykhei.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HÔSIA 7:4

Ama zydua ta apheipa châ ei ta, Lômathu sahpa ama lyu. Viahdie neihna daihti tawhta viahchhâ thyuna taihta, Viahchhâ taotuhpa ta tho a ti awpa a byuh khao leipa, Lômathu sahpa hawhta ama châ.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

KALATIA 4:8

Khazohpa nama pahno vei nona kha, ama pizie rai chhao ta khazoh a châ leipazy sei ta y ei chi ta.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.