ZEREMIAH 5:6 - Mara Bible RV (BSI)

⁶ Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

ZEREMIAH 5:6 ပူးပေါင်းရင်းမြစ်များ

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

EZRÂ 10:10

Theihthaipa Ezrâ a kaw duah ta, ama hnohta, “Ngâchhihna pahlei ei chi ta, chihropa chanô nama hneipa vâta, Izarei thaileichâna papôhsapa a châ.

EZRÂ 9:6

“Hy ei Khazohpa y, nâ lâ a vaw heih awpa he ei noza ta ei hmia a chhie kaw dia. Hy ei Khazohpa, eima paraonazy cha eima luh hlâta a sâh via ta, eima thaileichâna ta avâ a kaw daih haw.

ZAWBÂ 10:16

Ei luh ei pachhua khiahta cha, Chakeibarôhneipa hawhta nâ byh chi ta, Na thatlôna eina hmâ thlu chi.

HLAZY 104:20

Zohna tao chi ta, Zâ vaw châ ta; Râhsa to ama vaw pua tyh.

HLAZY 80:13

Râhmâhpa liata ngiahraih ta a theizy hrao ta, Râhsa zydua ta ama nie.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 59:12

Eima paraonazy na hmiakô liata pôh via rili ta, Eima moleinazy ta miah ama leih tyh. Eima paraonazy eima hnohta khâ y ei ta, Eima moleinazy eima pahno.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 25:38

Tlybaituhpa zaozi vâta, Abeipa hiehâhna ru ngaitapa vâta, Ama râh cha roryhrapa ta a y haw; Chakeibarôhneipa ta a lôpu a puasaipa hawhta, Abeipa ta a pahrâna a puasai haw.”

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

ZEREMIAH 30:15

Khazia na hmah vâta na cha? Na pasana patlâh thei awpa châ vei. Na thaileichâna lai tu ha ta, Na moleina a hluh tupa vâta, Cha hmozy cha na chô liata ei taopa a châ.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 49:19

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Edômâ chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

ZEREMIAH 8:5

Cha hawhta a châpa tlai ta, Khazia ma he phopi heta lâpi tlei ei ta, Hnôh amâ sy pathlah ha tly i? Dôveina khâchâ patu ei ta, Kua khoh khao veih ei.

ZEREMIAH 8:7

Avâ liata riasi hmahta â pasie nawpa daihti pahno ta, Vachhuh nata siviah nata vawpô zy chhao, A daihtita liata ama vaw tlô tyh. Ei phopi deikua cha, Abeipa bieraopa pahno veih ei.

CHAPHÔHTUNA 1:5

A khakhaipazy ta luhpa châ ha ei ta, A chariahpazy vânoh topa ta ama y; A paraona hluh ngaitapazy vâta, Abeipa ta pasa a pataosa haw; Khakhaipa hmiakô liata, A sawzy seichâna lâ ama sie.

EZEKIA 16:25

Lâtlei to liata su sâhpa a sa chi ta, na chhithaina cha pasichhihna ta taopa ta, châ chapiapa maih châta na keih pakai chi ta, na sihryhna na papôh via rili.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 23:19

Chatanachôta a laihsa nota Izi râh liata â zuapa kha vâpa ta, â zuah via rili ta,

DÂNIAH 7:4

A miakhana cha chakeibarôhneipa lyu ta, pahmôhpi mathlaw a hnei. Ei mo thlâh ha nota a mathlawzy cha phiapa châ ta, alei tawhta chalopa ta y ta, chyhsapa hawhta a phei miano ta paduasapa châ ta, chyhsapa pathipalôh piepa a châ.

DÂNIAH 7:6

He khai tawhta moh na ta, sahrâhpa hropa cha keihchhoh lyu ta, a ky liata pavaw mathlaw miapalih hnei ta. Cha sahrâhpa cha luh miapalih hnei ta, a hnohta ryureina piepa a châ.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

HABAKU 1:8

Ama arâzy cha, Keihchhohzy hlâta chatlie via ei ta, Zârâh changiezy hlâta amâ hrâh via; Ama arâ pheisaihzy ama tôh lymâ. Ama arâ pheisaihzy cha, Lâhlapi tawhta a vy ei ta, Vâkhieh sa la awpa ta â pathlôpa hawhta amâ zaw.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

MALUHREINA 32:14

Châ pathlatuhpazy kha moleipa pathlazy châ ei ta, nâmo chhao âmo su a thlapa ta, Izarei chô liata Abeipa pathiiana chichhihpa nama baichha via rili he zaw!

BIEPHUAH 13:2

Sahrâhpa ei hmôpa cha keichhoh lyu ta, a pheizy chavyh phei lyu ta, a pakah cha chakeibarôhneipa pakah a lyu. Sahrâhpa hnohna chata Drâkao ta a hmotaotheina, a beidyuchhai nata biehneina lai ngaitapa pie ta.