ZEREMIAH 5:5 - Mara Bible RV (BSI)

⁵ Chhituhpazy lâ vawh aw na ta, Ama hnohta ei kei reih aw; Âmo cha Abeipa lâpi pahno thlyu aw ei ta, Ama Khazohpa ryhpa ama pahno tlai aw,” tah na ta. Châhrasala a paraohpa ta raopaky thlie ei ta, Bâliazy ama chhie haw.

ZEREMIAH 5:5 ပူးပေါင်းရင်းမြစ်များ

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

PUASAINA 32:25

Zawpi âmo kho ta ama ypa Mawsi ta hmô ta. Arawna ta ama chariahpazy mohmô ta mohnao chhihpa ta yna taihta âmo kho ta a paysapa a châ.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 8:7

Avâ liata riasi hmahta â pasie nawpa daihti pahno ta, Vachhuh nata siviah nata vawpô zy chhao, A daihtita liata ama vaw tlô tyh. Ei phopi deikua cha, Abeipa bieraopa pahno veih ei.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

EZEKIA 11:2

Abeipa ta ei hnohta, “Chyhsa sawchapawpa y, kha chyhsazy kha hmo pha leipa tao a chhuahpazy châ ei ta, he khihpi châta ryhraona pha leipa a pietuhpazy ama châ.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

LUKA 18:24

Zisu ta hneirôhpa pachârôhpa cha a hmô nahta, “Hneirôhpazy châta la, Khazohpa khinarâh liata a ngia awpa a ru kaw tlai na!

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.