ZEREMIAH 5:26 - Mara Bible RV (BSI)

²⁶ Ei phopi hry liata moleipazy y ei ta, Pavaw a byhtuhpa hawhta, A bôhpa ta ama chadi tyh. Khoheih chôh ei ta, Chyhsazy ama pa-ao tyh.

ZEREMIAH 5:26 ပူးပေါင်းရင်းမြစ်များ

HLAZY 64:5

Hmo moleina tao awpa ta a pasyu raihriepa ta, Arulâta khoheih chô awpa kyh zy reih ei ta, “A hmô theipa y aw veih ei,” ama tah tyh.

BIESOZY 1:11

“Eima hnohta a vy la, Thisaih palo awpa ta a byh sih la, A chhâpa y leipa ta paraona a hnei leipazy a byh ei suh u.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 18:20

Hmo phapa cha hmo chhiepa ta viarithô awpa a châ ma? Âmo deikua cha ei hrona teipa ta khaohtlô ama chao. Na pathiiana âmo tawhta a pai thei nawpa ta, Na hmiakô liata a duah na ta, Âmo châta reih pha ei chei tyhpa kha a thei mah y.

ZEREMIAH 18:22

Hraotuhpazy âmo lâ eikhapi ta na patlôsa tita, Ama ozy tawhta chapa pyu theipa châ mawh sy! Na patu awpa ta khaohtlô chao ei ta, Ei phei a ao nawpa ta khoheih a chôhpazy ama châ.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 9:8

Ama paleih cha thina châtai châ ta, Dôveipa ta bie a reih tyh. Chyhsa ta a pakah ta a vaih hnohta adyhna bie reih ta, A palôh liata deikua cha ano a byh nawpa a pachâ tyh.

MIKÂ 6:10

Moleipa o liata moleina sôhzy ei my thei aw ma? Chhiesapa ta a ypa panuana tloh leipa ei my thei aw ma?

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

LUKA 5:10

Saimaw pyheih, Zebâdi sawchapawpa Zâmie nata Zawhâna zy chhao ta noâh tah kaw hra ei ta. Zisu ta Saimaw hnohta, “Chi khah y, tahmâ tawhta la chyhsa na patu bâ aw,” tah ta.