ZEREMIAH 5:18 - Mara Bible RV (BSI)

¹⁸ “Châhrasala cha nohzy liana chhao chata, cha pamua pathlah aw veih ei na,” Abeipa ta a tah.

ZEREMIAH 5:18 ပူးပေါင်းရင်းမြစ်များ

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

ZEREMIAH 5:17

Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

ZEREMIAH 5:19

Chyhsazy ta, “‘Khazia ma Abeipa eima Khazohpa ta he hmo zydua he eima chô liata a tao tly?’ ama tah tita, ‘Na siesai ei chi ta, chihropa khazohzy nama râh liata nama chakaopa hawhta, nâmo chhao nama râh a châ leipa liata chihropazy nama chakao aw,’ Abeipa ta a tah,” na tah aw.

EZEKIA 11:13

Hrohsona bie ei phuah hai nota, Benai sawchapawpa Pelatiah cha thi ha ta. Â khu lâta paopa ta, ao paro ngaitapa ta awh na ta, “Âh, Abeipa Zehôvah! Izarei laibâhpa cha na pamua dâhdei aw ma?” tah na ta.

EZEKIA 20:17

Chatahrasala ei mo ta âmo cha ngiachhie ta, chavâta pahlôh ei na ta, râhchawhpa liana khata pahleipadia leipa ei na ta, pamua khai hra veih ei na.

EZEKIA 9:8

Zerusale khihsawzy ama thie hai nota, keima deita ta vaw y thlâh ha na ta. Â khu lâta pao na ta, “Âh, Abeipa Zehôvah! Na hiehâhna Zerusale chô liata na lei thlupa liana heta, Izarei laibâhpazy chhao na pahleipadia khai aw ei ma?” tahpa ta awh na ta.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.