ZEREMIAH 5:17 - Mara Bible RV (BSI)

¹⁷ Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

ZEREMIAH 5:17 ပူးပေါင်းရင်းမြစ်များ

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

ISAI 62:9

Sâh hriatuhpazy ta nie aw ei ta, Abeipa ama reithai aw; Kre thei lyutuhpazy ta doh aw ei ta, Ei supathaihpa dôhpachhôh tlyhmia lia tlai ta ama doh aw.”

ISAI 65:22

Mohropa tlô awpa ta o sa khao leipa aw ei ta, Mohropa nie awpa ta chi cheih khao aw veih ei. Thokô hro chhôh nohzy hawhta, Ei phopi hro chhôh nohzy cha pasi aw ta; Ei tlyhpazy chhao, Ama ku raihria thei bohpi ama nie aw.

ZEREMIAH 1:15

Pachâ teh, maw lâta abeinarâhzy liata chipho zydua aw ei na ta, a vy aw ei ta, Zerusale thokhy chhikaozy liata ama beidyuchhai patyuh chyu aw ei ta, a thokhy zydua nata Zudâh khihpi to liata ama patyu thlu aw, Abeipa ta a tah.

ZEREMIAH 25:37

Abeipa hiehâhna ru ngaitapa vâta, Mietaku sadô thlalôhchhih kawpazy cha, Ama dâh karoh haw.

ZEREMIAH 4:26

Mohmia pasaih heih na ta, Lyu phapa cha râhchawhpa lâta a lie ha ta, A khihpi zydua chhao, Abeipa hmiakô liata, A hiehâhna ru ngaitapa hmiakô liata, Ama rao khai haw.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 5:18

“Châhrasala cha nohzy liana chhao chata, cha pamua pathlah aw veih ei na,” Abeipa ta a tah.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

ZEREMIAH 8:13

“Ama kôveizy lapa khai aw ei na ta, Kre zôh liata a theizy y khao aw vei. Theiku kôzy liata chhao theikuzy y khao leipa aw ta, Ama hnazy a uah khai aw. Âmo ei piepazy ei kha, Âmo tawhta la pakhuapa a châ aw,” Abeipa ta a tah.

ZEREMIAH 8:16

“Ama arâzy hnaphipa pyu cha, Dânâ tawhta theipa châ ta; Ama arâ tôhpazy sâpa pyu vâta, Râh pôhpalôhpa â chalyu. Vaw tlô ei ta, Râh nata a chhôh liata a ypa zydua nie khai ei ta; Khihpi nata a chhôh liata a pahrâpazy ama nie khai haw.

CHAPHÔHTUNA 2:12

Ama nôzy padopa ta cha ei ta, “Viahchhâ nata kresawhti khataih liata a y?” ama tah. Hmaphaohpa hawhta, Khiliah liata panaopa ta ama y; Ama nôzy byhpi chô liata, Ama hrona a lei.

CHAPHÔHTUNA 2:2

Abeipa ta zawngiahna rai hnei leipa ta palâ ta, Zakaw pahrâna su zydua a palâ khai haw; A pathiiana ta parao ta, Zudâh sawchanô thokhyzy a parao khai haw; Khinarâh nata a beimachâzy chhao, Nohzaopa ta a panawh khai ha ei.

EZEKIA 36:4

Hy Izarei tlâhpizy saih u, Abeipa Zehôvâh bie he thei teh u: Abeipa Zehôvâh ta tlâhpizy nata tlâhthlôhzy, chavahzy nata saikaozy, su rypazy nata khihpi roryhrapazy hnohta hetana heta a tah: Ama chheipâh phopizy ta ama hrao awpa nata pahneisao awpa ama vaw châ haw.

HÔSIA 2:12

A kre zôhzy nata a theiku kôzy parao aw na ta, A khopaw tawhta a hmôpa, A hlao hawhta a pachâpazy ei parao khai aw. Lyurâhpa lâta palie aw ei na ta, Râhsazy ta ama bâ khai aw.

HÔSIA 8:14

Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

ZEPHANIA 3:6

“Râhzy parao ei na ta, Ama thokhyzy a ry khai haw; Ama lâlaizy ziahzi parohsa na ta, A chhih awpa y khao veih ei. Ama khihpizy roryhrapa ta paysapa châ ta, Chyhsa y khao leipa ei ta, A chhôh liata a pahrâpa rai y khao veih ei.

MALAKHAI 1:4

Edômâ ta, “Parao khaipa châ pi ta, châhrasala araopazy cha eima padua pathi heih aw,” tah hrasa la, Pheisaihzy Abeipa ta hetana heta a tah: “Ama padua ngyu ma, châhrasala phie aw na ta, ‘râh moleipa,’ nata ‘Abeipa hiehâhna chhâzaw ta a topa phopi,’ tahpa ta awpa ama châ aw.”

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.