ZEREMIAH 5:15 - Mara Bible RV (BSI)

¹⁵ Hy Izarei pathlazy saih u, Moh teh u, nâmo châ dyuh awpa phopi Lâhlapi tawhta ei vaw chhi aw. Cha phopi cha phopi thatlôpa châ ta, Phopi hlôpa a châ. Ama reih na thei leipa phopi châ ta, Ama bie reipa na pahno leipa phopi a châ,” Abeipa ta a tah.

ZEREMIAH 5:15 ပူးပေါင်းရင်းမြစ်များ

ÂTHAONA 11:7

A vy teh u, zu sih la, ama biereipa amâ pahno thei lei nawpa ta, ama reih panano khai ha suh u,” tah ta.

HLAZY 81:5

Zawsi châta bieraopa ta tao ta, Izi râh lâ a sie nota a bieraopa châ ta, Reih thei leipazy hry liata a y nota a bieraopa a châ.

ISAI 28:11

Abeipa ta hmao hropa hmâpa ta, Cha phopi hnohta bie reih aw ta, Reih hropa hmâpa ta bie a reih aw.

ISAI 29:3

Khihpi padôpa ta riehmozy cha paryh thlu aw na ta, Thokhy a sâhpazy ta cha dôhkhâh aw na ta, Dôhna diahsuazy ei cha chhôh khâh aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 33:19

Na thei leipa reih hropa a cheihpa phopi kha, Hmô khao leipa aw chi ta; A paleih a pahluapahlypa vâta, A bie reipa na no a vâh leipa Phopi a hrâh ngaitapa kha, Hmô khao aw va chi.

ISAI 39:3

Chatawhcha hrohsopa Isai cha Bei Hezekia lâ vawh ta, a hnohta, “Kha chyhsazy kha khâpa bie ma ama reih? Khataih tawhta nâ lâ a vypa ma ama châ?” tah ta. Hezekia ta, “Râh hla ngaitapa, Babylaw râh tawhta kei lâ a vypa ama châ,” tah ta.

ISAI 5:26

Râh hlapazy lâta ngiana poh chaluahpa ta, Khizaw kaokih zydua a pahipa ta aw aw ta; Moh teh u, a para aw ei ta, A chatliepa ta amâ vy aw.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ZEREMIAH 1:15

Pachâ teh, maw lâta abeinarâhzy liata chipho zydua aw ei na ta, a vy aw ei ta, Zerusale thokhy chhikaozy liata ama beidyuchhai patyuh chyu aw ei ta, a thokhy zydua nata Zudâh khihpi to liata ama patyu thlu aw, Abeipa ta a tah.

ZEREMIAH 2:26

“Parutuhpa pachhaipa ta a y nota a no a za kawpa hawhta, Izarei pathlazy cha no pazasapa ama châ aw: Âmo nata ama beizy no pazasapa châ aw ei ta, Ama beimachâzy nata ama theihthaipazy no pazasapa châ hra aw ei ta, Ama hrohsopazy no pazasapa ama châ aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 4:16

Phopizy zikyu a râ u la, Zerusale liata phuah teh u. Dôhtuhpazy râh hlapi tawhta vaw tlô ei ta, A pahôpahâhpa ta Zudâh khihpizy ama phyh chie.

ZEREMIAH 5:11

Izarei pathlazy nata Zudâh pathlazy he Sathisahlai ngaitapa ta ei chô liata a ypazy ama châ,” Abeipa ta a tah.

ZEREMIAH 6:22

Abeipa ta hetana heta a tah: “Moh teh u, maw lâ râh tawhta phopi miakha a vy ta, Alei su chhâna tawhta phopi rônahpa a vaw thyu.

ZEREMIAH 9:26

Izi mo, Zudâh mo, Edômâ mo, Amawna pathlazy, Môabâ mo nata râhchawhpa liata a pahrâpa, ama baih hmi a ngyupazy ei hrie nawpa noh a vaw tlô hai. He phopi zydua he chopawtaileipa châ ei ta, Izarei pathla zydua chhao pathipalôh chopawtaileipa ama châ,” Abeipa ta a tah.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

DÂNIAH 1:4

Âmo cha pizie liata seina hnei leipa satlia, hmiphapa, sona zydua a chu thei awpa duahmo liata â duahpa, hmo a pahno thaipa, pachâna pasohpa a hmâh thaipa nata abei o liata rai hria awpa ta a tlâh a châpazy ama châ awpa a châ. Aspenâza ta âmo cha Kaldia reih nata thainazy a pachu aw ei.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

AMÔSÂ 6:14

Pachâ teh u, Hy Izarei pathlazy, Châ dyuh awpa phopi padua aw na ta, Lebôhamâ tawhta Arabâ Chavah taihta Ama cha tlybai lymâ aw,” Abeipa, Pheisaihzy Khazohpa ta a tah.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

1 KAWRINI 14:21

Ryhpa châbu liata, “Reih hro a cheihpa phopi hmâh aw na ta, Chihropa hmaokah hmâpa ta, He phopi hnohta bie ei reih aw; Chatanachôta na nathlie hlei aw veih ei, Abeipa ta a tah,” tahpa ta ropa a châ.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,