ZEREMIAH 49:7 - Mara Bible RV (BSI)

⁷ “Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

ZEREMIAH 49:7 ပူးပေါင်းရင်းမြစ်များ

ÂTHAONA 25:30

Zakaw hnohta, “Ei tha chhâ ngaita ta, ngiachhiepa ta abie saihpa pati na chhopa kha na paniesa teh” tah ta. Chavâta Esaw cha a moh Edômâ bipa a châ.

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 32:3

Zakaw ta Edômâ râh Seirâ tlâh liata a pahrâpa a uhta Esaw lâta lyuhchâpazy pasiesa chhielie ta.

ÂTHAONA 36:11

Eliphâ sawchapawzy cha, Temâ, Ômâ, Zephô, Kâtâ nata Kenâza zy ama châ.

ÂTHAONA 36:15

Hezy he Esaw pathla tawhta beizy ama châ: Esaw sawchapaw uhtheipa Eliphâ pathla tawhta Bei Temâ, Bei Ômâ, Bei Zephô, Bei Kenâza,

ÂTHAONA 36:34

Zôbabi a thi tawhta, Temâni râh chyhsa Husâ ta ano su liata â bei.

ÂTHAONA 36:8

Chavâta Esaw cha Seirâ tlâh râh liata a pahrâ haw. Esaw cha Edômâ a châ.

1 THÂTIHZYRONA 1:53

Bei Kenâza, Bei Temâ, Bei Miza,

ZAWBÂ 2:11

Zawbâ viasa pathôhzy ta Zawbâ chô liata hmo pha leipa a tla thlupa zydua cha ama thei nahta, Temani chyhsa Elipha, Suhi chyhsa Bildâ nata Nâmâ chyhsa Zôpha zy cha ama yna su chyu tawhta a vy ei ta. A pahrua ei ta, Zawbâ ama pasakheina palâsa ta thlapalôh awpa ta hmaohkha ta vaw tlô ei ta.

ZAWBÂ 4:1

Temani chyhsa Eliphâ ta a chhy ta:

HLAZY 137:7

Hy Abeipa, Zerusale pao nota Edômâ mo ta, “Parao teh u, parao teh u, Â bôna taihta parao khai teh u,” Ama tahpa bie kha my beih khah y.

ISAI 21:11

He he Dumâ kyh chhochhieliena bie a châ: Chyhsa ta Seirâ tlâh tawhta na vaw aw ta, “Riahvaituhpa y, zâ he khati ta a chhâ aw? Riahvaituhpa y, zâ he khati ta a chhâ aw?” tah ta.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ZEREMIAH 12:14

Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 25:21

Edômâ nata Môabâ nata Amawna pathlazy;

ZEREMIAH 25:23

Dedâ, Temâ nata Buzi nata ama baih sâ a ngyupa chi zydua;

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 49:20

Chavâta Edômâ chô liata Abeipa ta tao â chhuahpa he nathlie u la, Temâ mo chô liata tao â chhuahpazy he nathlie teh u: Sahroh zaw tawzy taihta a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

CHAPHÔHTUNA 4:21

Hy Edômâ sawchanô y, thaphapa ta a ly la, Uzi râh liata a pahrâpa y, thaphapa ta a ly mah y; Châhrasala na hnohta chhao nyu vaw tlô aw ta, Pari aw chi ta, nâmasasyh ta thluahruapa ta nâ tao aw.

EZEKIA 32:29

“Cha liata Edômâ y ta, a beizy nata a beimachâ zydua y ei ta, ama thatlô ngaitapa chhao ta, zaozi ta thiepazy hry liata a zawh ei ta, khaohtlô liata a zu hapa chopawtaileipazy hnohta amâ zia.

DÂNIAH 11:41

Râh Ngiapa liata chhao â ngia aw. Râh hluhpi pao aw ei ta, châhrasala Edôma, Môabâ nata Amawna pathla chhituhpazy cha a ku tawhta pachhapa ta ama y aw.

ZÔELA 3:19

“Zudâh mo pasasa ei ta, Paraona hnei leipa thisaih ama râh liata ama palopa vâta, Izi cha roryhrapa ta y aw ta, Edômâ chhao râhchawhpa nata roryhrapa râh a châ aw.

HABAKU 3:3

Khazohpa cha Temâ tawhta a vy ta, Pathaihpa cha Pârâ Tlâh tawhta â vy. Selah A rônahna ta avâ khu ta, A reithaina ta leilô a bie.

RYHPACHANEINA 23:7

“Edômâ mo cha nama unawhpa châ ei ta, namâ hao awpa châ vei. Izi mo chhao namâ hao awpa châ vei, nâmo chhao ama râh liata mapaihpa nama châpa kha.