ZEREMIAH 49:39 - Mara Bible RV (BSI)

³⁹ “Noh hnôhlâzy liata deikua cha, Elâmi cha vânoh ei patosa heih aw,” Abeipa ta a tah.

ZEREMIAH 49:39 ပူးပေါင်းရင်းမြစ်များ

ZAWBÂ 42:10

Zawbâ cha a viasazy châta thlah a chhâ khai nahta, Abeipa ta Zawbâ cha a hneirôna vaohei heih ta. Abeipa ta Zawbâ cha kha hlâta a hneipa hlâta a lie no ta pie ta.

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ZEREMIAH 12:15

Ei phia khai tawhta âmo cha ngiachhie heih aw ei na ta, chyhsa to ama ryuto chyu lâta nata ama râh chyu lâta ei chhi heih aw ei.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

ZEREMIAH 49:38

Elâmi râh liata ei beidyuchhai patyuh aw na ta, ama beizy nata ama beimachâzy ei pahleipadia khai aw ei,” Abeipa ta a tah.

ZEREMIAH 49:6

“Cha khai tawhta deikua cha, Amawna mo cha vânoh ei patosa heih aw ei,” Abeipa ta a tah.

EZEKIA 29:14

Izi mo cha vânoh patosa heihpa ta, ama thyutôna râh, Pâtharô râh lâ a chhi pakhua heih aw ei na ta, cha liata khinarâh nawraihpa ama châ aw.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

DÂNIAH 10:14

Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.