ZEREMIAH 49:36 - Mara Bible RV (BSI)

³⁶ Avâ kaokih miapalih tawhta thlih miapalih Elâmi chô liata vaw pathlisa aw na ta, thlih pathlina kaokih to lâta ei papai aw ei. Elâmi râh tawhta to papua chyhsazy tlô leina râh rai y aw vei.

ZEREMIAH 49:36 ပူးပေါင်းရင်းမြစ်များ

ZEREMIAH 49:32

“Ama râraoseihpazy cha, Hraona sôh châ aw ei ta; Ama viahchao zawzy chhao, Hraona sôh ama châ aw. Ama baih hmi a ngyupa phopi cha, Thlih pathlina su to lâta papai aw ei na ta, Kao to tawhta ama chô liata Chhiena ei vaw patlôsa aw,” Abeipa ta a tah.

BIEPHUAH 7:1

Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

DÂNIAH 8:8

Mie tôhpa cha thata vaw lai ta, châhrasala a thatlô lichih ta, a ki laipa cha thliepa châ ta, a su liata ki a lâluah kawpa ki palih, avâ thlih miapalihpazy lâ a heipa ta kaw thao ei ta.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

DÂNIAH 11:4

 vaw bei tawhta, a khinarâh cha kei chheih aw ta, avâ thlih miapalihzy lâta pachhaihpa ta y aw ta, a pathlazy hnohta piepa châ leipa aw ta, biehneina ta ryu a rei tyhnazie hawhta châ hra aw vei; a khinarâh cha chakhia pathlapa châ aw ta, mohropazy hnohta piepa a châ aw.

DÂNIAH 8:22

Ki a tlie hapa nata a su liata ki palih a kaw thaopazy kha, a râh tawhta khinarâh miapalih a vaw duah awpazy pamosa ta, ano hawhta hmotaotheipa deikua châ aw veih ei.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

HLAZY 147:2

Abeipa ta Zerusale padua ta, Izarei phopi hiepatlapazy a pahmaohpakhy heih ei.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

ZEKARIA 6:5

Vâlyuhchâpa ta, “Kha talailihzy kha, khizaw zydua Bei hmiakô liata amâ lâ khai tawhta, avâ thlih miapalihpazy lâta a siepazy ama châ.