ZEREMIAH 49:31 - Mara Bible RV (BSI)

³¹ “Thyu u la, chhôhmohpa ta a ypa phopi cha a kei dyuh u la, Thlalôhpa ta a ypa phopi cha a kei dyuh teh u; Thokhy chhikaozy nata a hraina lâzy hnei leipa ta, Âmo dei ta khih a sapa phopi cha siehnao teh u,” Abeipa ta a tah.

ZEREMIAH 49:31 ပူးပေါင်းရင်းမြစ်များ

HLAZY 123:4

Chhôhmohpa ta a ypazy pasipasawhna vâta, Eima hro bohpi a riethei ta; Apalaipazy ta khâpasaw ta miah ama rei leina vâta, Eima hro a riethei ngaita.

HLAZY 73:12

Moh teh, hezy he moleipazy châ ei ta, Phasapa ta ypa ta, Ama hneirôna a papôhsapazy ama châ hih.

ISAI 32:11

Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ISAI 32:9

Nâmo, pachâ pha kawpa ta a ypa chanôzy saih u, Thyu u la, ei ao nathlie teh u; Nâmo, chhôhmoh kawpa ta a ypa sawchanôzy saih u, Ei bie lâ nama nah pachôh teh u.

ISAI 42:11

Râhchawhpa nata a khihpizy ta ama ao papua ei sala, Kedâ mo pahrâna khihzy ta ama ao papua mawh ei sy; Selâ khihsawzy thaphapa ta hla sa ei sala, Tlâh lakizy tawhta awh mawh ei sy.

ISAI 47:8

Chavâta nâ haosai sai tlaichhai chi ta, Â bohpa ta a tyuhpa ta na palôh liata, “Keima tlai he na ei châ, Keima leipa ta mohropa y veih ei; Nôhmei châ beih leipa aw na ta, Sawzy pahlei beih aw va na,” a tahtuhpa y, He he thei teh:

ZEREMIAH 48:11

“A thyutlia no tawhta Môabâ cha thadâhpa ta y ta, A beih chaopahrâ liata chhôhmohpa ta a y. Beih hropa lâ patly khaipa châ beih leipa ta, Seichâna lâ sie beih vei. Chavâta a pahâh tyhpa hawhta pahâh lymâ ta, A roh a nano beih vei.

EZEKIA 30:9

“Cha noh liata, chhôhmohpa ta a ypa Kusi mo pachisa awpa ta, balyh ta lyuhchâpazy tuah aw ei na ta, Izi raona noh liata, ama chô liata nôpona ta a tlô thlu aw ei. Moh teh, cha noh cha a vaw tlô hai!

EZEKIA 38:11

‘Thokhy a hnei leipa khihzy yna râh siehnao aw na ta, chhôhmohpa ta a ypa chyhsazy ei tla thlu aw ei. Ama zydua ta thokhy hnei leipa ta a pahrâpazy châ ei ta, thokhy chhikao nata ahraina thuatlai a hnei leipazy ama châ,’ na tah aw.

EZEKIA 39:6

Mâkaw nata tilaipi kiah râhzy liata chhôhmohpa ta a pahrâpazy chô liata mei papua aw na ta, chatanachata kei he Abeipa ei châ tahpa ama pahno aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

NÂHU 1:12

Abeipa ta hetana heta a tah: “Ama thatlôpa ta hluh kaw hra ei sala, Chhawh pathlahpa châ aw ei ta ama thi aw; Cha vaw pasasa ha hra aw sah la, Cha pasasa heih khao aw va na.

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

MALUHREINA 23:9

Lôkâhpa khi tawhta Izarei cha hmô na ta, Tlâh laki tawhta ano cha ei sai; Moh tua, ano dei ta a ypa phopi châ ta, Phopi hropazy hawhta â pachâ leipa phopi a cha!

RYHPACHANEINA 33:28

Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.