ZEREMIAH 49:24 - Mara Bible RV (BSI)

²⁴ Dâmaskâ cha thazeipa ta y ta, A râ awpa ta a palie ta, Thlazohna ta a patu haw; Chanô sawzeihpa hawhta, Rietheina nata pachârôhna ta a patu haw.

ZEREMIAH 49:24 ပူးပေါင်းရင်းမြစ်များ

ÂTHAONA 3:16

Chanô hnohta, “Sawphaona liata na rietheina thata papôh aw na ta, Riethei pasa ngaitapa ta saw na sa aw. Na khona cha na vahpa châta châ aw ta, Ano ta na chô liata bie a hnei aw,” tah ta.

ISAI 13:8

Chipa ta y aw ei ta, Pasana nata rietheitaona ta âmo cha a patu aw; Chanô saw a zeihpa hawhta, Pachârôh ngaitapa ta ama y aw. Thlazoh pachârôhpa ta a moh raihrie aw ei ta, Ama hmiazy meipaleih hawhta a saih aw.

ZEREMIAH 30:6

Tahmâ hiahri u la, moh tua u, Chapaw ta saw a phaoh thei ma? Kheihtazie ta ma chanô saw a zeihpa hawhta, Chapaw to ta ama py amâ hriapa ei hmô tly? Khazia hmia to a hlâh khai ha tly?

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

ZEREMIAH 48:41

Keriô khihpi cha pahniepa châ aw ta, A thokhyzy lapa a châ aw. Cha noh liata, Môabâ pasaiphazy palôh cha, Chanô sawzeihpa palôh hawhta a châ aw.

ZEREMIAH 49:22

Moh teh u, chariahpa cha pahmôhpi hawhta a pasâhpa ta, Bôzrâ chô liata a mathlaw pakaipa ta za tla thlu aw ta, cha noh liata Edômâ pasaiphazy palôh cha, chanô sawzeihpa palôh hawhta a châ aw.”

ZEREMIAH 49:29

Ama poh ozy nata ama sahrohzy lapa châ aw ta, Ama pohraipazy nata ama hmobaoh zydua lapa a châ aw; Ama râraoseihpazy siekheipa châ aw ta, Chyhsazy ta, ‘Su to liata chichhihpa a y,’ Tahpa ta ama awsao aw.

ZEREMIAH 49:37

Ama chariahpazy nata ama hrona la a chhuahpazy hmiakô liata, Elâmi mo cha chipa ta paysa aw ei na ta, ei hiehâhna ru ngaitapa lei thlupa ta, ama chô liata chhiena ei patlôsa aw,” Abeipa ta a tah. “Ei pahleipadia khai hlâlei ei cha, zaozi ta ei chadaisa lymâ aw ei.

ZEREMIAH 50:43

“Babylaw bei cha ama thâtih a thei nahta, A bâhtha a tlo khai haw; Nôpona ta patu ta, Chanô sawzeih pasapa tlu ta pasana ta a patu haw.

ZEREMIAH 6:24

Cha kyh liata bie pathâhpa thei pi ta, Eima bâhtha a tlo khai haw; Nôpona ta miah patu ta, Chanô sawzeih pasapa tlu ta pasana ta miah a patu haw.

HÔSIA 13:13

Chanô sawzeih pasana ta tlô thlu ta, Châhrasala sawchapaw so leipa a châ; A daihti vaw tlô ta a vaw luah leipa ta, Chhi â pahypa lâ a vy vei.

MATHAI 24:8

Cha zydua cha sawzeih pasa athaona deita a châ.

MÂKA 13:8

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata alozy a sih aw ta, chakâhnazy a tlô aw. Chazy cha sawzeih pasa athaona a châ.