ZEREMIAH 49:2 - Mara Bible RV (BSI)

² Chavâta moh teh u, Amawna mo yna Râbâ khihpi a dyuh awpa ta, Apahôpahâna pyu thei awpa ta Ri tao nawpa nohzy a vaw tlô hai,” Abeipa ta a tah. “Râbâ khihpi cha, Raona apathluna khihpi châ aw ta; A khichapeihzy chhao, Mei ta raopa a châ aw; Ano a photuhpazy cha, Izarei ta a pho aw ei,” Abeipa ta a tah.

ZEREMIAH 49:2 ပူးပေါင်းရင်းမြစ်များ

2 SAMUELA 11:1

Beizy hrâ ama sie tyhna châhvâ daihti liata, Dâvi ta Zôabâ cha, a chakaotuhpazy nata Izarei pheisaih zydua chhaota hrâsie awpa ta tuah ta. Amawna mo cha chho ei ta, ama khihpi Râbâ cha dôh ei ta. Dâvi deikua cha Zerusale liata y thlâh ha ta.

HLAZY 48:11

Na ryureina dopazy vâta, Zaio Tlâh a ly sala, Zudâh sawchanôzy thaphapa ta y mawh ei sy!

HLAZY 97:8

Hy Abeipa, na pachianazy cha, Zaio ta thei ta a tha a pha ngaita; Zudâh sawchanôzy a lypa ta ama y.

ISAI 11:14

Epharai nata Zudâh cha, Notla lâta Philistinâ mo ngiatlâh liata a zâ zaw aw ei ta; Hmaohkha ta nochhi sawzy ama hrao aw. Edômâ nata Môabâ chô liata ama ku hy aw ei ta, Amawri mo ta ama rei amâ ngiah aw.

ISAI 17:1

He he Dâmaskâ kyh chhochhieliena bie a châ: Pachâ teh u, Dâmaskâ cha khihpi châ khao leipa aw ta, Raona a pathluna su a châ aw.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 49:1

Amawna mo kyh liata, Abeipa ta hetana heta a tah: “Izarei ta sawchapawzy hnei vei ma? Ryutotuhpa hnei vei ma? Khazia Mikô ta Kâdâ cha pho ta, Ano phopi cha Kâdâ khihpizy liata a pahrâsa tly?

EZEKIA 21:20

Amawna mo khihpi Râbâ lâ zaozi vaw tlô nawpa lâpi pahnona tao la, Zudâh râh Zerusale thokhy khihpi lâpi pahnona chhao tao mah y.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

ÔBADIA 1:19

“Neke mo ta Esaw Tlâh hnei aw ei ta, Sephelâ mo ta Philistinâ râh ama hnei aw; Epharai râh hnei aw ei ta, Samâri râh chhao ama hnei aw; Benzami ta Kilia râh a hnei aw.

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

MALUHREINA 21:25

Izarei ta khihpi zydua la khai ta. Chatanachata Izarei cha Amawri mo khihpi zydua nata Hesbaw nata a khitaw zydua liata pahrâ ta.

RYHPACHANEINA 13:16

Hraona sôh zydua khihpi tlyliah khophie liata pahmaoh aw ei chi ta, khihpi nata hraona sôh zydua cha Abeipa nama Khazohpa lâta raopa hlâna ta tlokhuh mei ta nama rao khai aw. Cha khihpi cha chhâzaw ta lei byuhpa ta y aw ta, sa pathi heihpa châ khao aw vei.

RYHPACHANEINA 3:11

Bâsanâ bei Ôkâ deita cha Rephai chi a y chhôhpa châ ta, a rakhô cha thua rakhô châ ta, a doh lâ dy chaki seih ta, a hâ lâ dy palih a kawh. Cha cha tahmâ taihta Amawna pathlazy khihpi Râbâ liata a y thlâh ha.

ZAWSUA 17:11

Iskâra nata Asera râhzy liata chhao Manase ta khihpizy hnei ta, Besia nata a khichapeihzy, Ibalia nata a khichapeihzy, Dôrâ khihsawzy nata a khichapeihzy, Enadô khihsawzy nata a khichapeihzy, Tânâ khihsawzy nata a khichapeihzy nata Mekidô khihsawzy nata a khichapeihzy cha Manase khihpizy châ ei ta, bia thôh a ô.

ZAWSUA 17:16

Zawsi pathlazy ta, “Tlâh râh deita cha eima châta a daih aw vei. Châhrasala bypi râh liata a pahrâpa Kâna mo, Besia nata a khichapeihzy nata Zezari saikao liata a ypa zydua ta thua talailih hnei khai tlôh ei ta,” tah ei ta.