ZEREMIAH 49:17 - Mara Bible RV (BSI)

¹⁷ “Edômâ cha roryhrapa ta y aw ta, a chapiapa maihta rarôh y tah aw ei ta, chhiena â tyhpa zydua vâta ama hmao ama tô chie aw.

ZEREMIAH 49:17 ပူးပေါင်းရင်းမြစ်များ

1 ABEIZY 9:8

He o he raona a pachona a châ aw. A chapiapa maihta noâhpa ta ama hmaotô chie aw ei ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 49:13

Bôzrâ cha su chichhihpa, pasipasawhpa, roryhrapa nata chhiesapa khihpi châ aw ta, a khichapeihzy chhao roryhrapa ta ama y zôzaw aw tahpa ta, keima sasyh ta ei moh a reipa ta bie ei taih haw,” Abeipa ta a tah.

ZEREMIAH 50:13

Abeipa hiehâhna vâta râh cha, Pahrâpa châ khao leipa aw ta; Tlokhuh roryhrapa ta y aw ta, Babylaw a chapiapa maihta rarôh y ama tah aw; A hmah zydua vâta Ama hmao ama tô chie aw.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

EZEKIA 25:13

Abeipa Zehôvâh ta hetana heta a tah: Edômâ chô liata ei ku hy aw na ta, chyhsapa nata sazy a râh tawhta ei pahleipadia khai ha aw. Roryhrapa ta tao aw na ta, Temâ tawhta Dedâ taihta zaozi ta ama pao aw.

EZEKIA 27:36

Phopizy hry liata sôdaohpazy ta Ama hmao ama cha tô chie, Rarôh ypa ta chhâ ha chi ta, Khatita hmahta y heih khao aw va chi.”

EZEKIA 35:15

Izarei pathlazy ryuto roryhrapa ta a ypa nâ lypa hawhna khata, na chô liata ei tao aw. Hy Seirâ Tlâh, roryhrapa ta na y aw. Edômâ cha tlokhuh roryhrapa ta a y aw. Chatanachata Abeipa ei châ tahpa ama pahno aw.”

EZEKIA 35:3

hetana heta chho teh, Abeipa Zehôvâh ta hetana heta a tah: Hy Seirâ Tlâh, moh teh, ei châ dyuh hih. Na chô liata ei ku hy aw na ta, roryhrapa nata a rypa ta ei cha tao aw.

EZEKIA 35:7

Seirâ Tlâh cha tlâh rypa nata roryhrapa ta tao aw na ta, cha lâ a ngia tyhpa nata a pua tyhpa zydua ei chhawh pathlah khai aw ei.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

RYHPACHANEINA 29:22

“Chhâ a vaw y awpa, nama hnôhlâ ta nama saw a vaw y awpazy nata chihropa chyhsa râh hlapi tawhta a vy awpazy ta, cha râh liata Abeipa ta potlana nata hri a chareisapazy ama hmô aw.