ZEREMIAH 49:16 - Mara Bible RV (BSI)

¹⁶ Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 49:16 ပူးပေါင်းရင်းမြစ်များ

2 ABEIZY 14:7

Alôh Saikao liata Edômâ mo thy kha thie ta. Selâ khih a dyuh ta, la ta, a moh ta Zôthelâ bi ta, cha cha tanoh taihta a moh a châ haw.

ZAWBÂ 39:27

Nâma biepiepa vâta ma pahmôhpi a pasâh ta, Su sâhpa liata a bu a tu?

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 18:21

Paleih hmotaotheina liata thina nata hrona y ta, A pasôtuhpazy ta a theizy ama nie aw.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

ISAI 10:14

Phopizy sôh nata thihzy cha, Pavaw bu lapa hawhta ei ku ta la ta; A panô thyusaipa pavaw tihzy lapa hawhta, Râh zydua ei la khai haw. Mathlaw a chakhyhpa y khao leipa ei ta, A pakah a âpa y khao hra leipa ei ta, A sâhpa chhao y khao veih ei,” tah ta.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ZEREMIAH 48:14

“Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

ZEREMIAH 49:15

Pachâ teh, phopizy hry liata cha panawh aw na ta, Chyhsapazy hry liata mohnaochhihpa ta ei cha tao aw.

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

AMÔSÂ 9:2

“Athihkhih taihta khaoh chao hra ei sala, Cha tawhtapa cha ei ku ta thaoh aw ei na ta; Avâ taihta kiah hra ei sala, Cha tawhtapa cha ei daophi pathlah aw ei.

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

MALAKHAI 1:3

Esaw deikua cha ei hao. A tlâhpizy roryhrapa ta soh na ta, a ryutozy cha râhchawhpa savaizy ei pie ha ei,” Abeipa ta a tah.