ZEREMIAH 49:11 - Mara Bible RV (BSI)

¹¹ Paw leipa na sawzy cha siesai mah y, Kei ta ei hrôbieh aw ei; Na nôhmeizy chhao, Kei liata a pahnieh mawh ei sy.”

ZEREMIAH 49:11 ပူးပေါင်းရင်းမြစ်များ

HLAZY 146:9

Abeipa cha mapaihpazy vaih ta, Nôhmei nata paw hnei leipazy a deichhy tyh; Hmoparaopazy hro deikua cha, Âbôkalie lâta a paysa tyh.

HLAZY 68:5

Ano cha a pahrâna su pathaihpa liata a ypa Khazohpa châ ta, Paw hnei leipazy châta paw châ ta, Nôhmeizy a duakheituhpa a châ.

HLAZY 82:3

Chiehleipa nata paw hnei leipazy a duakhei u la, Pasataopa nata dyhchhiepazy adona pabohsa muh vy.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

ZAWNA 4:11

Ninivâ khihpi, a chhôh liata chavei nata chachâh ku chhao a pahno leipa chyhsa 120,000 nata sahroh hluhpi yna khihpi, hao khihpi rônahpa hao ngiachhie aw va na ma?” tah ta.

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RYHPACHANEINA 10:18

Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.