ZEREMIAH 49:1 - Mara Bible RV (BSI)

¹ Amawna mo kyh liata, Abeipa ta hetana heta a tah: “Izarei ta sawchapawzy hnei vei ma? Ryutotuhpa hnei vei ma? Khazia Mikô ta Kâdâ cha pho ta, Ano phopi cha Kâdâ khihpizy liata a pahrâsa tly?

ZEREMIAH 49:1 ပူးပေါင်းရင်းမြစ်များ

ÂTHAONA 19:38

A nawhtanô chhao sawchapaw sa ta, a moh “Benâmi” a bi. Ano cha tanoh ta Amawna mo pathlatuhpa a châ.

2 ABEIZY 10:33

Zawdâh tawhta nochhi lâ Kilia râ zydua, Kâdâ mo, Rubena mo nata Manase mozy pahnie ta. Anaw saikao liata Arôerâ tawhta Kilia nata Bâsanâ taihta a pahnie lymâ ei.

2 ABEIZY 24:2

Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.

2 THÂTIHZYRONA 20:1

Cha hnôhlâ ta Môabâ mo nata Amawna mo cha Muni mo thokhazy chhaota Zehôsaphâ a dyuh awpa ta vaw pua ei ta.

2 THÂTIHZYRONA 20:23

Amawna mo nata Môabâ mo ta Seirâ Tlâh liata a pahrâpazy cha pahleipadia khai a chhuah ei ta, Seirâ mo ama pamua khai nahta, âmo nata âmo a pahleipadia a chhuahpa ta amâ dyuh lymâ.

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

NEHEMIAH 4:7

Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

HLAZY 83:7

Kebâli mo, Amawna mo nata Amale mozy, Philistinâ mo nata Tyre mozy châ ei ta,

HLAZY 9:6

Chariahpa cha a mua ta, Tlyzaw ta a rao haw; Ama khihpizy phia chi ta, Âmo atheithlâhna a lei khai haw.

ZEREMIAH 12:14

Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 25:21

Edômâ nata Môabâ nata Amawna pathlazy;

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 27:3

he bie he Edômâ bei, Môabâ bei, Amawna mo bei, Tyre bei nata Sidaw bei zy hnohta, Zudâh bei Zedekia lâta lyuhchâpa ama vaw tuapazy ku liata paphao teh.

ZEREMIAH 48:1

Môabâ kyh liata, Pheisaihzy Abeipa, Izarei Khazohpa ta hetana heta a tah: “Nebô cha roryhrapa ta y ta, A hu a po kaw dia! Kiriathai chhao lapa châ ta, Maophyuhpa ta a y; Thokhy paraopa châ ta, Maophyuhpa ta a y.

ZEREMIAH 49:23

He he Dâmaskâ kyh a châ: “Hâmathi nata Apâ cha, Thâtih chhiepa ama theipa vâta, Nozapa ta ama y. Chipa ta zao khai ei ta, Tilaipi chalihsa thei leipa hawhta, Tymâpa ta ama y.

ZEREMIAH 49:28

He he Babylaw bei Nebukaneza ta a pahnie hapa, Kedâ nata Hâzaw khinarâhzy kyh a châ: Abeipa ta hetana heta a tah: “Thyu u la, Kedâ siehnao u la, Nochhi sawzy kei pahleipadia teh u!

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

EZEKIA 25:1

Abeipa bie ei hnohta vaw tlô ta:

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

MALUHREINA 1:24

Kâdâ pathlazy ama chhâ yzie hawhta, a pho pho ta nata a chhôh chhôh ta moh pakipa châ ta, kô kih tawhta chô lâ adyuhna lâ sie thei awpa zydua cha,

RYHPACHANEINA 2:19

Amawna mo râh nâ hnia tita, âmo cha patypamâ leipa la, a dyuh hra khah y. Cha râh cha Lawta pathlazy hnohta ama pahrâ nawpa ta ei piepa râh a châpa vâta, Amawna mo râh cha, cha pie aw va na,’ tah ta.

RYHPACHANEINA 23:3

“Amawna chyhsa tlyma, Môabâ chyhsa tlyma cha Abeipa pakhypi liata â hlao awpa châ vei. Ama pathlazy chhâ hrawhna taihta khati ta hmahta Abeipa pakhypi liata amâ hlao awpa châ vei.

RYHPACHANEINA 23:4

Izi râh tawhta nama kaw pua nota, viahchhâ nata ti ta ama cha dy leipa vâta nata chhie cha sapa awpa ta Mesôpôtamia râh Pethô khih liata Beô sawchapawpa Bâlâma ama hruapa vâta, Abeipa pakhypi liata amâ hlao awpa châ vei.