ZEREMIAH 48:7 - Mara Bible RV (BSI)

⁷ “Na hmotaopazy nata na ryusôhpazy na ngâpa vâta, Nâ chhao lapa châ aw chi ta, Khemô cha seichâna lâ a sie aw, A theihthaipazy nata a beimachâzy chhaota.

ZEREMIAH 48:7 ပူးပေါင်းရင်းမြစ်များ

2 SAMUELA 5:21

Philistinâ mo ta ama khazoh nothlahpazy a râsai ha ei ta, chazy cha Dâvi nata a chyhsazy ta la ei ta.

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

HLAZY 40:4

Abeipa a ngâpa chyhsa cha a nohlao na; Ano cha apalaipa lâ a heih leipa ta, Haipa bie lâta a pavia leipa a châ.

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

ZEREMIAH 13:25

Kei na my chi ta, Haipa biezy na ngâpa vâta, He he na tovyuh châ ta, Na châta ei raopa tovyuh cha a châ.

ZEREMIAH 43:12

Izi khazohzy o liata mei patih aw na ta, khazoh ozy cha Nebukaneza ta mei ta rao aw ta, khazoh nothlahpazy a siekhei ha aw ei. Mietaku vaituhpa ta a chyhsa liata lôvâpazy a pathaipa hawhta, Izi râh cha pathai aw ta, cha su tawhta thlalôhpa ta a pua aw.

ZEREMIAH 48:13

Chatanachata Izarei pathlazy ta ama ngâpa Bethel ama zakheipa hawhta, Môabâ chhao ta Khemô cha a zakhei aw.

ZEREMIAH 48:46

Hy Môabâ, na hu a po kaw dia! Khemô phopi ama lei haw; Na sawchapawzy cha sei ta a chhipa châ ei ta, Na sawchanôzy seichâna lâ a chhipa ama châ.

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

ZEREMIAH 49:4

Hy sawchanô ngâchhih leipa y, Na saikao râh phapazy a palaikheipa ta, Na ryusôhpazy a ngâchhâ chi ta ma, ‘Ahy nâ siehnao ngâh aw?’ na tah?

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

HÔSIA 10:13

Nâma pachâna liata a pahnieh chi ta, Pasaipha hluhpi na hneipa na ngâpa vâta, Moleina lei paliepa ta, Adoleina sâh hria chi ta, Haiphiana theilâpa na nie.

MALUHREINA 21:29

Hy Môabâ, na hu a po kaw dia! Hy Khemô phopi, paraopa na châ haw! A sawchapawzy viavipa ta tao ta, A sawchanôzy Amawri bei Sihaw hnohta sei ta a pie ei.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.

RYUREITUHPAZY 11:24

Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.