ZEREMIAH 48:44 - Mara Bible RV (BSI)

⁴⁴ “Chichhihna tawhta a râpa cha, Khaohtlô liata tla aw ta; Khaohtlô tawhta a puapa cha, Khoheih liata â ao aw. Môabâ mo hriena kô vaw patlôsa aw na ta, Cha hmozy cha ama chô liata a tlô aw,” Abeipa ta a tah.

ZEREMIAH 48:44 ပူးပေါင်းရင်းမြစ်များ

1 ABEIZY 19:17

Hâze zaozi tawhta a râpa maih cha Zehu ta thie aw ta, Zehu zaozi tawhta a râpa maih cha Elaisâh ta a thie aw.

1 ABEIZY 20:30

Ahrohpazy cha Aphe khih chhôh lâ a râ ei ta, amâ râsaipa pheisaih 27,000 cha thokhy ta cho thlu ha ei ta. Benhadâ chhao a râ ta, khihpi chhôh liata chhôhpadâhpa chhôh chaipa liata a ngia ta.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 24:17

Hy lei chyhsa y, Chichhihna ta cha y khâh ta, Khaohtlô nata khoheih zy ta ama cha y khâh hih!

ISAI 24:18

Chichhihna pyu tawhta a râpa cha, Khaohtlô liata tla aw ta; Khaohtlô tawhta a puapa cha, Khoheih liata â ao aw. Avâ opyzy pahypa châ ta, Alei abônazy â chalyu.

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 11:23

Pakha hmah pahlôhpa châ aw veih ei. Anathô mo hrie nawpa kô vaw tlô aw ta, ama chô liata chhiena ei patlôsa aw.”

ZEREMIAH 16:16

“Moh teh u, nga patutuhpa hluhpi tuah aw na ta, âmo ta Izarei sawzy cha ama patu aw. Cha khai tawhta sakathaipa hluhpi tuah heih aw na ta, âmo ta tlâhpi to nata tlâhthlôh to liata Izarei sawzy cha tlua aw ei ta, lôpanô khaoh to liata ama tlua aw.

ZEREMIAH 23:12

“Chavâta ama siena lâpi cha, Âmo châta zâ zohpa liata lâpi pahniapa hawhta a châ aw; Âmo hriena kô liata, Ama chô liata chhiena ei patlôsa awpa vâta, Lâpi pahniapa lâ cha topa châ aw ei ta, Ama pao aw,” Abeipa ta a tah.

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

ZEREMIAH 49:8

Hy Dedâ râhsawzy saih u, A râ u la, lâpi tleipa ta, Khaohtlô a thupa liata a nyu teh u! Esaw ei hriena daihti liata, Esaw vâchhiena a chô liata ei vaw patlôsa aw.

ZEREMIAH 50:24

Hy Babylaw, Khoheih ei cha chôkhâhpa liata a ao ha chi ta, Châhrasala pahno va chi; Abeipa na chakhiapa vâta, Hmôpa châ chi ta, Patupa na châ.

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

ZEREMIAH 51:18

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

CHAPHÔHTUNA 3:47

Apahlawna nata khaohtlô ta miah tlô thlu ta, Chhiena nata raona ta miah a tlô thlu.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.

MIKÂ 7:4

Ama hry liata chyhsa pha chaipa cha, Bôbaw hawh dei a châ; Chyhsa do chaipa chhao, Ahloh buh hawh dei a châ. Châ vaituhpazy noh vaw tlô ta, Nâmo hriena noh a vaw tlô; Ama nôpona noh â hnia haw.