ZEREMIAH 48:40 - Mara Bible RV (BSI)

⁴⁰ Abeipa ta hetana heta a tah: “Moh teh u, Môabâ chariahpa cha, Pahmôh hawhta a vaw zaw ta; A chô liata a mathlaw a pakai huh.

ZEREMIAH 48:40 ပူးပေါင်းရင်းမြစ်များ

BIESOZY 30:19

Avâ liata pahmôh lâpi, Lôpanô chô liata parih lâpi, Tilaipi liah khophie liata balyh lâpi nata Chapaw ta laihsa a pangaina lâpi zy ei novâh thei vei.

ISAI 11:14

Epharai nata Zudâh cha, Notla lâta Philistinâ mo ngiatlâh liata a zâ zaw aw ei ta; Hmaohkha ta nochhi sawzy ama hrao aw. Edômâ nata Môabâ chô liata ama ku hy aw ei ta, Amawri mo ta ama rei amâ ngiah aw.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 49:22

Moh teh u, chariahpa cha pahmôhpi hawhta a pasâhpa ta, Bôzrâ chô liata a mathlaw pakaipa ta za tla thlu aw ta, cha noh liata Edômâ pasaiphazy palôh cha, chanô sawzeihpa palôh hawhta a châ aw.”

CHAPHÔHTUNA 4:19

Miah a chadaituhpazy cha Avâ pahmôhpizy hlâta ama chatlie via; Tlâhpizy liata miah a chadai ei ta, Râhchawhpazy liata miah amâ byh.

EZEKIA 17:3

Abeipa Zehôvâh ta hetana heta a tah: Pahmôhpi lai ngaitapa, mathlaw phiapa, mathlaw ki seihpa, hmi phi kaluhpa nata chapaipa cha Lebanaw lâ a zaw ta, sidy tho pawthlyu kei thlie ta.

DÂNIAH 7:4

A miakhana cha chakeibarôhneipa lyu ta, pahmôhpi mathlaw a hnei. Ei mo thlâh ha nota a mathlawzy cha phiapa châ ta, alei tawhta chalopa ta y ta, chyhsapa hawhta a phei miano ta paduasapa châ ta, chyhsapa pathipalôh piepa a châ.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

HABAKU 1:8

Ama arâzy cha, Keihchhohzy hlâta chatlie via ei ta, Zârâh changiezy hlâta amâ hrâh via; Ama arâ pheisaihzy ama tôh lymâ. Ama arâ pheisaihzy cha, Lâhlapi tawhta a vy ei ta, Vâkhieh sa la awpa ta â pathlôpa hawhta amâ zaw.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,