ZEREMIAH 48:38 - Mara Bible RV (BSI)

³⁸ Chyhsazy kho khao leipa beih keipa hawhta, Môabâ cha ei pakeichheih hapa vâta, Môabâ vâphuh zydua chaphôhtuna ta bie ta, Ama tlyliah zydua chaphôhtuna ta a bie,” Abeipa ta a tah.

ZEREMIAH 48:38 ပူးပေါင်းရင်းမြစ်များ

HLAZY 2:9

Thua chôchahrei ta âmo cha tuchheih aw chi ta, Alei beih hawhta a tlawh ta na taichheih aw ei,” eina tah.

ISAI 15:3

Lâlaizy liata latho poh a bupa ta, Vâphuh nata tlyliahzy liata, Chyhsa to sâh ei ta ama cha.

ISAI 22:1

He he aluahna saikao kyh chhochhieliena bie a châ: Khâpa ma châ patypamâ ei tly, Vâphuh lâ dia nama kia khai haw?

ISAI 30:14

Alei beih a dizao khai hana taihta taichheih ei ta, A keina hry liata chakoh mei la nawpa Beihkaopa dâhdei y khao leipa ta, Tikhaoh ti thai nawpa chhao a y khao leipa hawhta, Moleina liata a paopazy cha ama châ aw.”

ZEREMIAH 19:10

“Chatawhcha na sielâhpazy mohmô liata beihlei titheih cha pakei aw chi ta,

ZEREMIAH 19:11

ama hnohta hetana heta na tah aw, ‘Pheisaihzy Abeipa ta hetana heta a tah: Chyhsa ta beihvituhpa beihlei titheih pakei ta, taopathi thei awpa a châ khao leipa hawhta, he phopi nata he khihpi he pakei aw na ta, taopathi theipa châ khao aw vei. Athipa rizy cha su hro liata pabu nawpa su a y lei awpa vâta, Tôphe liata tlâ ama pabu khai aw.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

BIEPHUAH 2:27

Ei paw tawhta biehneina ei hmôpa hawhna heta, biehneina ei piepa chyhsa chata thua chôchahrei ta ama chô liata ryureih aw ta, alei beihzy pakeichheihpa hawhta a pakeichheih aw ei.