ZEREMIAH 48:35 - Mara Bible RV (BSI)

³⁵ Su sâhpazy liata atheihna hlâ ta, A khazoh lâta ropahâhpa a raopa chhao, Môabâ râh liata ei pachhâsa ha aw,” Abeipa ta a tah.

ZEREMIAH 48:35 ပူးပေါင်းရင်းမြစ်များ

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ISAI 16:12

Chatawhcha hetana heta vaw châ aw ta, Môabâ cha su sâhpazy lâ â luah tita, anosasyh ta a tha a pachhâ ta, thlahchhâ awpa ta a achhyna o lâ a pangaipa chhao ta, phahnai aw vei.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 48:7

“Na hmotaopazy nata na ryusôhpazy na ngâpa vâta, Nâ chhao lapa châ aw chi ta, Khemô cha seichâna lâ a sie aw, A theihthaipazy nata a beimachâzy chhaota.

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

MALUHREINA 28:14

Raopa hlâna ta â chakaihpa dopa hlâna châta, viahchao tôhpa pô kha liata kresawhti chhiehraôh ôh no châ aw ta, mietaku tôhpa pô kha liata chhiehraôh ôh kha nata khophie châ aw ta, mietakutaw pô kha liata chhiehraôh ôh kha a châ aw. Cha cha kô chhôh thla thiehpa maihta raopa hlâna hlâ awpa cha a châ.