ZEREMIAH 48:29 - Mara Bible RV (BSI)

²⁹ Môabâ apalaina thâtih eima thei, Â vaw khotlâh chaimâh. Â pasâhsazie nata â palaizie thei pi ta, Â khotlâhzie nata a palôh laizie eima thei.

ZEREMIAH 48:29 ပူးပေါင်းရင်းမြစ်များ

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

BIESOZY 21:24

Akhotlâhpa nata apatahsapa moh cha “Mohnaotuh” châ ta, Apalaina nata atahtheina ta hmo a tao tyhpa a châ.

BIESOZY 30:13

Ama mo a sâh kawpazy chhao y ei ta, Ama mo vozy â sâh lâ sai ta a sai tyh.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 16:6

Môabâ apalaina thâtih thei pi ta, Â khotlâhna, â palaina, a sâlâna, Âh, â vaw palai kaw tlai na! Châhrasala â reithainazy cha aruapa a châ.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.