ZEREMIAH 48:26 - Mara Bible RV (BSI)

²⁶ “Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

ZEREMIAH 48:26 ပူးပေါင်းရင်းမြစ်များ

ZAWBÂ 15:25

Khazohpa chô liata a ku hy ta, Atotaotheipa hmia liata thatlô kawpa hawhta â hmô ta,

ZAWBÂ 9:4

Ano cha a palôh so ta, Thatlô hmotaotheipa a châ. A chô liata kuh a pachha ta, Hlaotlohpa ahy ma a y?

HLAZY 2:4

Vâ beidyuchhai liata a tyuhpa cha pahneih ta, Abeipa ta a pahneisao ei.

HLAZY 59:8

Nâ deikua cha, Hy Abeipa, Âmo pahneisao chi ta, Râhzy mohnaochhihpa ta na tao.

HLAZY 60:3

Na phopi he hmo rupazy pahmôsa chi ta, Kresawhti miah pado chi ta, Paochheichhâpa ta miah na tao haw.

HLAZY 75:8

Abeipa ku liata cha, Kresawhti pahâhpa nyu a y; Kresawhti cha a buchaphy pua ngâ ta, Abeipa ta patlai ta, Khizaw liata moleipa zydua ta doh ei ta, A chaopahrâ taihta ama doh khai haw.

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

PUASAINA 9:17

Chatanachôta ei phopi chô liata nâmasasyh a cheihchalo chi ta, âmo cha pasiesa khoh va chi.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 19:14

Abeipa ta Izi mo hry liata tymâna thlahpa pahlaosa ta, Sahma paripa ta a palipa a paochheichhâ thlupa hawhta, Beimachâzy ta Izi mo cha ama hmotaopa to liata Paochheichhâpa ta ama paysa haw.

ISAI 28:8

Tlâhkhai zydua ama pali ta bie ta, Apuapa y leina su rai y vei.

ISAI 29:9

Nama no a pamaoh u la, Nomaohpa ta y teh u; Nama mo a pachao u la, Mochaopa ta y teh u! Pari ei ta, Châhrasala kresawhti vâta cha vei; Paochheichhâ ei ta, Châhrasala sahma vâta châ vei!

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ISAI 63:6

Ei hiehâhpa ta phopizy ei tlysao ha ei; Ei pathiiana ti padosa ei na ta, Ama hrona thisaih alei liata ei leihthapa ha ei,” Abeipa ta a tah.

ZEREMIAH 48:39

“Môabâ cha a keichheih khai ha dia! Ama chana ao rimâ cha! Môabâ cha noza tupa ta ma, Chyhsazy hnôh a chhy ha bâ! Cha hawhna chata Môabâ cha, A chheipâh râh zydua châta, Pahnei parâsaopa ta y ta, Pachisana châta hmâpa lâta a pua haw.”

ZEREMIAH 48:42

Môabâ cha Abeipa â palai thlupa vâta, Pahleipadiapa châ aw ta, Phopi tloh khao aw vei.

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

ZEREMIAH 51:39

Ama parôpachaw kaw nota, Kyhchhi ei taopa aw ei; Parisa aw ei na ta, Thaphapa ta ei paysa aw ei; Chhâzaw ta a mô aw ei ta, Thyu khao aw veih ei,” Abeipa ta a tah.

ZEREMIAH 51:57

Babylaw beimachâzy nata a chyhsa sopazy parisa aw ei na ta, Râhvaotuhpazy ei parisa aw ei; A pheisaih hyutuhpazy parisa aw ei na ta, A pasaiphazy ei parisa aw ei; Chhâzaw ta a mô aw ei ta, Thyu khao aw veih ei,” Abeipa, a moh Pheisaihzy Abeipa ta a tah.

ZEREMIAH 51:7

Babylaw cha Abeipa ku liata ngôh nyu châ ta, Khizaw zydua a parisa tyhpa a châ; Phopizy ta a kresawhti cha doh ei ta, Chavâta phopizy cha ama hru khai haw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 3:15

Sihnâ khapazy ta ei rih na pabie ta, Thohna khapa ti eina parisa.

CHAPHÔHTUNA 4:21

Hy Edômâ sawchanô y, thaphapa ta a ly la, Uzi râh liata a pahrâpa y, thaphapa ta a ly mah y; Châhrasala na hnohta chhao nyu vaw tlô aw ta, Pari aw chi ta, nâmasasyh ta thluahruapa ta nâ tao aw.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 8:10

Avâ liata a ypazy tlôna taihta seih ta, avâ liata a ypa thokha nata awhsi thokhazy cha alei lâ za thy ta, âmo cha tlypâ ta.

NÂHU 3:11

Nâ chhao paripa ta a nyu aw chi ta, Na chariahpa tawhta abohna na tlua aw.

HABAKU 2:16

Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.