ZEREMIAH 48:2 - Mara Bible RV (BSI)

² Môabâ moh pathâhna a lei haw. Parao awpa ta Hesbaw liata pachia ei ta, ‘A vy teh u, Phopi a châna tawhta Chhawh pathlah ha ei suh u!’ ama tah. Hy Mâdame khihpi y, Nâ chhao pahleipadiapa châ aw chi ta, Zaozi ta a cha chadai aw.

ZEREMIAH 48:2 ပူးပေါင်းရင်းမြစ်များ

ISAI 15:1

He he Môabâ kyh chhochhieliena bie a châ: Môabâ râh Ari khihpi cha, Zâ kha ta parao khaipa a châpa vâta, Môabâ cha lei ha ta; Môabâ râh Kiri khihpi chhao, Zâ kha ta parao khaipa a châpa vâta, Môabâ cha a lei haw.

ISAI 15:5

Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

ISAI 16:14

Tahmâ deikua cha, Abeipa ta hetana heta a tah: “Ahlaopa kô reizie ta reipa ta, kô thôh chhôh ta Môabâ rônahna cha panawhpa a châ aw. Râhsaw maluh hluhpi a hneina chôta, cha hmo cha a chô liata tlô aw ta, laibâhpazy cha a chyhta dei châ aw ei ta, ama chyh hleikhô ta ama dadieh kaw aw.”

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ZEREMIAH 25:15

Abeipa, Izarei Khazohpa ta hetana heta eina chho: “He hiehâhna kresawhti nyu he ei ku tawhta la la, ama hnohta ei cha tuana phopi zydua padosa mah y.

ZEREMIAH 25:17

Chatanachata nyu cha Abeipa ku tawhta la na ta, Abeipa ta eina tuana, he phopi zydua he ei padosa ei:

ZEREMIAH 31:36

“He ryhpa raopazy he ei hmiakô tawhta a lei khiahta cha, Izarei pathlazy cha lei aw ei ta, Phopi ama châna chhao, Ei hmiakô tawhta chhâzaw ta a lei aw,” Abeipa ta a tah.

ZEREMIAH 33:24

“He chyhsazy ta, ‘Abeipa ta â tlyhpa phopi miano cha a thy ha ei,’ tahpa ta ama reipa pachâ beih va chi ma? Cha hawhna chata ei phopi cha mohnao ei ta, âmo mohmô liata la phopi tah tlâh chhao châ khao veih ei.

ZEREMIAH 46:28

Hy nâ chakaotuhpa Zakaw, chi khah y, Ei cha ypâ mâh tâh. Ei cha to papuana phopi zydua cha, Tlokhuh ei pachhâsa aw ei; Nâ deikua cha tlokhuh cha pachhâsa aw va na. Hrie leipa ta deikua y leipa aw chi ta, Dâh dopa ta ei cha chhorei aw,” Abeipa ta a tah.

ZEREMIAH 48:17

A chheipâh liata a ypazy ta taokhei u la, A moh a pahnopa zydua ta taokhei teh u; “Kheihta ma chôchahrei thatlôpa tlie thei ta, Sômasi rônahpa a tlie thei tly,” tah teh u.

ZEREMIAH 48:42

Môabâ cha Abeipa â palai thlupa vâta, Pahleipadiapa châ aw ta, Phopi tloh khao aw vei.

ZEREMIAH 48:45

“Hesbaw tawhta mei vaw pua ta, Sihaw liah tawhta meipaleih a vaw pua; Môabâ baih hmi kâ khai ta, Kalihpi a topa sahlao laki sâzy a kâ khai haw; Chavâta arâpazy cha ama thachhâ ta, Hesbaw nohpahli liata amâ duah.

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

ZEREMIAH 49:37

Ama chariahpazy nata ama hrona la a chhuahpazy hmiakô liata, Elâmi mo cha chipa ta paysa aw ei na ta, ei hiehâhna ru ngaitapa lei thlupa ta, ama chô liata chhiena ei patlôsa aw,” Abeipa ta a tah. “Ei pahleipadia khai hlâlei ei cha, zaozi ta ei chadaisa lymâ aw ei.

MALUHREINA 32:37

Rubena pathlazy ta Hesbaw, Eliale, Kiriathai,