ZEREMIAH 48:14 - Mara Bible RV (BSI)

¹⁴ “Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

ZEREMIAH 48:14 ပူးပေါင်းရင်းမြစ်များ

HLAZY 11:1

Abeipa liata a chhaipa châ na ta, Kheihtazie ta ei hnohta, “Tlâhpizy lâta pavaw hawhta a zaw ha mah y.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ISAI 10:13

Asuria bei ta, “Hezy he ei ku thatlôna ta tao na ta, Novâhna a hneipa ei châpa vâta, Ei sona ta ei taopa a châ. Phopizy râhrizy pasiepa ta, Ama ryusôhpazy hrao na ta; Beidyuchhai liata a tyuhpazy chhao, Viahchao tôhpa hawhta ei daophi pathlah ha ei.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 16:6

Môabâ apalaina thâtih thei pi ta, Â khotlâhna, â palaina, a sâlâna, Âh, â vaw palai kaw tlai na! Châhrasala â reithainazy cha aruapa a châ.

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

EZEKIA 30:6

“Abeipa ta hetana heta a tah: Izi a baotuhpazy pao aw ei ta, A thatlôna a palaikheipa chhao a nawh aw. Mikadô tawhta Syne taihta, Zaozi ta ama pao khai aw,” Abeipa Zehôvâh ta a tah.

ZEPHANIA 2:10

Amâ palaina vâta, Cha cha ama tovyuh a châ aw; Pheisaihzy Abeipa phopi reipachhie ei ta, Amâ palai thlupa vâta.