ZEREMIAH 48:13 - Mara Bible RV (BSI)

¹³ Chatanachata Izarei pathlazy ta ama ngâpa Bethel ama zakheipa hawhta, Môabâ chhao ta Khemô cha a zakhei aw.

ZEREMIAH 48:13 ပူးပေါင်းရင်းမြစ်များ

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

1 ABEIZY 18:40

Elaizâh ta ama hnohta, “Bâlâ hrohsopazy kha patu teh u. Pakha hmah papuasa khah u,” tah ta. Bâlâ hrohsopazy cha patu ei ta, Elaizâh ta âmo cha Kisaw chavah lâ a chhi ta, cha liata a thie khai ha ei.

2 THÂTIHZYRONA 25:15

Chavâta Abeipa cha Amazia chô liata a pathi thata ia ta, ano lâ hrohsopa tuah ta, hrohsopa ta Amazia hnohta, “Khazia na ku tawhta ama chyhsazy a pachha thei leipa phopi khazohzy nâ chhy?” tah ta.

ISAI 16:12

Chatawhcha hetana heta vaw châ aw ta, Môabâ cha su sâhpazy lâ â luah tita, anosasyh ta a tha a pachhâ ta, thlahchhâ awpa ta a achhyna o lâ a pangaipa chhao ta, phahnai aw vei.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 45:16

Khazoh nothlâhpa a chhytuhpa zydua cha, Nozapa nata nohzaopa ta y aw ei ta; Khazoh nothlahpa a taotuhpazy chhao, Tymâpa ta ama y aw.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ZEREMIAH 48:12

“Châhrasala pachâ teh u, paruatuhpazy ano lâ vaw tuah aw ei na ta, âmo ta parua aw ei ta, a beihzy paruapa ta, a râchâzy ama pakei khai nawpa nohzy a vaw tlô hai, Abeipa ta a tah.

ZEREMIAH 48:39

“Môabâ cha a keichheih khai ha dia! Ama chana ao rimâ cha! Môabâ cha noza tupa ta ma, Chyhsazy hnôh a chhy ha bâ! Cha hawhna chata Môabâ cha, A chheipâh râh zydua châta, Pahnei parâsaopa ta y ta, Pachisana châta hmâpa lâta a pua haw.”

ZEREMIAH 48:46

Hy Môabâ, na hu a po kaw dia! Khemô phopi ama lei haw; Na sawchapawzy cha sei ta a chhipa châ ei ta, Na sawchanôzy seichâna lâ a chhipa ama châ.

ZEREMIAH 48:7

“Na hmotaopazy nata na ryusôhpazy na ngâpa vâta, Nâ chhao lapa châ aw chi ta, Khemô cha seichâna lâ a sie aw, A theihthaipazy nata a beimachâzy chhaota.

RYUREITUHPAZY 11:24

Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.