ZEREMIAH 48:11 - Mara Bible RV (BSI)

¹¹ “A thyutlia no tawhta Môabâ cha thadâhpa ta y ta, A beih chaopahrâ liata chhôhmohpa ta a y. Beih hropa lâ patly khaipa châ beih leipa ta, Seichâna lâ sie beih vei. Chavâta a pahâh tyhpa hawhta pahâh lymâ ta, A roh a nano beih vei.

ZEREMIAH 48:11 ပူးပေါင်းရင်းမြစ်များ

HLAZY 123:4

Chhôhmohpa ta a ypazy pasipasawhna vâta, Eima hro bohpi a riethei ta; Apalaipazy ta khâpasaw ta miah ama rei leina vâta, Eima hro a riethei ngaita.

HLAZY 55:19

Âmo cha hro a thla awpa khoh leipa ei ta, Khazohpa ama chi leipa vâta, Beidyuchhai liata tlyzaw ta a tyuhpa Khazohpa ta, Ei hiana thei aw ta âmo cha a panawh aw. Selah

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

ISAI 16:6

Môabâ apalaina thâtih thei pi ta, Â khotlâhna, â palaina, a sâlâna, Âh, â vaw palai kaw tlai na! Châhrasala â reithainazy cha aruapa a châ.

ISAI 24:3

Alei he tlokhuh parua khaipa châ aw ta, Tlokhuh parao khaipa a châ aw; Cha bie cha Abeipa ta a reih haw.

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ZEREMIAH 22:21

Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 48:12

“Châhrasala pachâ teh u, paruatuhpazy ano lâ vaw tuah aw ei na ta, âmo ta parua aw ei ta, a beihzy paruapa ta, a râchâzy ama pakei khai nawpa nohzy a vaw tlô hai, Abeipa ta a tah.

ZEREMIAH 48:29

Môabâ apalaina thâtih eima thei, Â vaw khotlâh chaimâh. Â pasâhsazie nata â palaizie thei pi ta, Â khotlâhzie nata a palôh laizie eima thei.

ZEREMIAH 51:34

Zaio khihsawzy ta, “Babylaw bei Nebukaneza ta na palâ ha ta, Eina chaeih pazao haw; Beih ruapa ta na tao ta, Parihpi hawhta eina palâ haw; Ei niedo pahâhpazy ta a py a pabie ta, Chysia hawhta na saoh ta eina thy haw.

NÂHU 2:10

Roryhrapa ta y ta, Roryhrana nata raona ta a bie; Palôhzy zao ta, Pakhuzy â chakhyh; Chai zydua pasa ta, Hmia zydua a hlâh khai haw.

NÂHU 2:2

Hraotuhpazy ta Zakaw pathlazy hrao ei ta, A chiahzy ama parao hapa vâta, Abeipa ta Zakaw rônahna cha, Izarei rônahna hawhta a paduapathi hai.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.