ZEREMIAH 47:6 - Mara Bible RV (BSI)

⁶ Hy Abeipa zaozi! Khati ta ma nâ chalih aw tly? Na paih liata â khô la, A pahâ la a chalih bâ mah y!

ZEREMIAH 47:6 ပူးပေါင်းရင်းမြစ်များ

2 SAMUELA 2:26

Abane ta Zôabâ cha awsao ta, “Zaozi cha chhâzaw ta ma a thie ngâ thlâh ha aw? A chhâna cha pachârôhna deita a châ aw tahpa pahno va chi ma? Khachâ ma zawpizy kha ama unawhzy amâ chadaina tawhta pakuasa awpa ta chho leipa ta na y aw?” tah ta.

1 THÂTIHZYRONA 21:27

Chatawhcha Abeipa ta vâlyuhchâpa cha biepie ta, a zaozi cha a paih liata khô ha ta.

HLAZY 17:13

Hy Abeipa, thyu la, Ano cha a heihnaopa ta panawh la, Ei hrona he moleipazy tawhta na zaozi ta pachha mah y.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 12:4

Râh he khachâ ma mâchhiesa aw ta, Khachâ ma râh to liata sibiepazy ama uah aw tly? A chhôh liata a pahrâpazy ta Hmo pha leipa tao ei ta, “Khazohpa ta eima chhâna hmô aw vei,” Ama tahpa vâta, Râhsazy nata pavawzy ama thi khai ha hih.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 48:10

“Diathlâpa ta Abeipa rai a hriapa cha chhiesapa ta y sala, thisaih palo awpa ta a zaozi a hmâh khoh leipa chhao chhiesapa ta y mawh sy.

ZEREMIAH 50:35

“Zaozi ta Kaldia mo a dyuh aw ta, Babylaw chyhsazy â dyuh aw; A beimachâzy nata a chyhsa sopazy chhao, Â dyuh aw ei,” Abeipa ta a tah.

EZEKIA 14:17

“Râh chô liata zaozi patlôsapa ta, ‘Zaozi ta râh chahryh sala, chyhsapa nata sazy râh tawhta chhawh pathlah khai ha mawh sy,’ ei tah khiahta cha,

EZEKIA 21:30

“‘Zaozi cha a paih liata khô heih mah y. Paysapa na châna su, na puana râh lia tlai ta, ei cha pachia aw.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZAWHÂNA 18:11

Zisu ta Pity hnohta, “Zaozi kha a paih liata khô teh, Paw ta nyu eina piepa he ei doh awpa châ vei ma?” tah ta.

RYUREITUHPAZY 7:20

Py thôh ta chiahmie tô ei ta, râchâzy pakei ei ta. Ama chavei lâta meirei chaba ei ta, ama chachâh lâta chiahmie tô awpa chaba ei ta. “Abeipa nata Kidia Zaozi!” tahpa ta awh ei ta.