ZEREMIAH 47:4 - Mara Bible RV (BSI)

⁴ Philistinâ mo zydua pahleipadiana noh vaw tlô hai ta, Baotuhpa a y tlakaihpazy chhao, Tyre nata Sidaw tawhta chhawh pathlahna noh a vaw tlô haipa vâta, Cha hawhpa hmo cha a vaw ypa a châ. Abeipa ta Philistinâ mo pahleipadia hai ta, Tilaipi kiah Kâftaw râh liata laibâhpazy chhao, A pahleipadia hai ei.

ZEREMIAH 47:4 ပူးပေါင်းရင်းမြစ်များ

ÂTHAONA 10:15

Kâna ta sawchapaw uhtheipa Sidaw nata a pazipa Hethâ sa ta,

1 THÂTIHZYRONA 1:12

Pârusi, Philistinâ mozy pathlatuhpa Kâluhi nata Kâftawri mozy sa ta.

ZAWBÂ 9:13

Khazohpa cha a hiehâhna a sy leipa châ ta, Rahâbi baotuhpazy chhao ta a ry liata amâ bôh tyh.

HLAZY 37:13

Châhrasala a chhâna noh a vaw tlô haipa a hmôpa vâta, Abeipa ta moleipa cha a pahneisao tyh.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 20:6

Cha noh liata, he tilaipi kiah liata a pahrâpazy heta, ‘Moh tua u, eima hnabeiseihna nata Asuria bei tawhta miah pachha awpa ta eimâ râna cha, he hawhta tlâ a châ hih! Kheihta ma eimâ boh thei aw?’ ama tah awh,” tah ta.

ISAI 31:8

“Asuria cha a pao aw, Chyhsapa zaozi ta deikua châ leipa aw ta, Chyhsapa zaozi a châ leipa zaozi ta a palâ aw. Zaozi tawhta a râ aw ta, A satliazy cha raihriatuhpazy ta taopa ama châ aw.

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

EZEKIA 21:29

Nâma kyh liata aluahna doleipa hmô ei ta, haipa ta ama pachao. Thie awpa ta raopa molei puapazy rao tlao na chhawh aw. Ama noh vaw tlô ha ta, âmo hrie pachie nawpa daihti a vaw tlô haw.

EZEKIA 25:16

Abeipa Zehôvâh ta hetana heta a tah: Moh teh u, Philistinâ mo chô liata ei ku hy aw na ta, Kirethi khihsawzy chhawh pathlah aw ei na ta, tilaipi kiah liata a ypazy chhao ei pahleipadia aw ei.

EZEKIA 30:8

Izi râh mei ta rao aw na ta, A baotuhpa zydua ei pahleipadia khai tita, Abeipa ei châ tahpa ama pahno aw.”

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

AMÔSÂ 9:7

“Hy Izarei sawzy saih u, Ei châta cha Kusi mo hawh dei châ hra veih ei chi ma?” Abeipa ta a tah. “Izi râh tawhta Izarei a kaw chhipa ta, Kâftaw tawhta Philistinâ a chhi na ta, Kiri tawhta Aramia a chhipa kha, Kei châ va na ma?

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

RYHPACHANEINA 2:23

Kâza taihta khitawzy liata a ypa Avimi mo chhao, Kâftaw tawhta a vaw puapa Kâftaw mo ta pahleipadia ei ta, ama râh liata ama pahrâ ha hra.

ZAWSUA 22:30

Theihthaipa Phinehâ nata a hnohta a siepa zawpi chhituhpa Izarei pho hyutuhpazy ta Rubena pathlazy, Kâdâ pathlazy nata Manase pathlazy bie reipa cha ama thei nahta, a ly kaw ei ta.