ZEREMIAH 46:6 - Mara Bible RV (BSI)

⁶ Chyhsa chatlie chakohpa hmahta a râ thei leipa ta, Pasaipha chhao a râ thei vei. Maw lâ Ufrâti chavah kiah liata, A chapia ei ta ama pao khai haw.

ZEREMIAH 46:6 ပူးပေါင်းရင်းမြစ်များ

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

2 ABEIZY 24:7

Babylaw bei ta Izi bei ry liata a ypa, Izi Chavah tawhta Ufrâti chavah taihta râh zydua a la khai hapa vâta, Izi bei cha a râh tawhta kaw pua khao vei.

HLAZY 27:2

Hmoparaopazy nâ vyhnao ei ta, Ei sapa nie khai amâ chhuah; Ei chariahpa nata ei khakhaipazy cha, Âmo tlao a chapia ei ta ama pao.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ISAI 8:15

Chyhsa hluhpi a chapiapa ta, Pao aw ei ta ama keichheih aw; Khoheih chôkhâhpa châ aw ei ta, Patupa ama châ aw.

ZEREMIAH 1:14

Abeipa ta ei hnohta, “Râh liata a pahrâpa zydua chô liata maw lâ tawhta chhiena a vaw tlô aw.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 4:6

Zaio lâta ngiana poh chaluah u la, Abohna tluapa ta a râ teh u; Nama nainô sô khah sy, Maw lâ tawhta chhiena vaw patlôsa aw na ta, Chhiena rarôh ypa ei vaw patlôsa aw.

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

ZEREMIAH 46:12

Phopizy ta na maophyuhna thâtih thei ei ta, Na chana ta leilô a bie. Pasaipha nata pasaipha a chakho ei ta, Ama pano ta ama pao khoh.”

ZEREMIAH 46:16

Abeipa ta chyhsa hluhpi chakhosa ta, Amâ pao thlu hôlô. ‘Thyu ei sih la, eima phopi lâ kua sih la, Eima pina râh lâ kua ha ei suh u, Tlybaituhpazy zaozi eimâ tyh hih,’ ama tah.

ZEREMIAH 50:32

“Apalaipa chyhsa cha, A chapiapa ta pao aw ta, A pathyu awpa y aw veih ei; A khihpizy liata mei patih aw na ta, A chheipâh liata a ypa zydua a kâ khai aw.

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

DÂNIAH 11:19

Chatawhcha a râh thokhyzy lâta kua heih aw ta, châhrasala a chapiapa ta pao aw ta, hmôpa châ khao aw vei.

DÂNIAH 11:22

Pheisaih hluhpi a hmiakô liata tlokhuh chadai paipa ta y aw ei ta, pachhaih pazaoh khaipa ama châ aw, biehrai hyutuhpa chhao taih ta.