ZEREMIAH 46:5 - Mara Bible RV (BSI)

⁵ Kheihtazieta ma thlazohpa ta y ei ta, Hnôh amâ sypa ei hmô thlâh ha tly? Ama pasaiphazy tiahpa ta y ei ta, Rawrôhpa ta amâ râpai; Hnôh lâ rai a heih veih ei; Su to chichhihna ta a bie, Abeipa ta a tah.

ZEREMIAH 46:5 ပူးပေါင်းရင်းမြစ်များ

ÂTHAONA 19:17

Khôtho lâ ama puakhei tawhta, vâlyuhchâpa pakha ta, “Na hro nawpa ta a râ teh. Na hnôh lâ a heih leipa la, bypi khataih su lia rai ta a duah hra khah y! Tlâhzy lâna khi ta a râ mah y. Chataleipatala na leidia pathlei aw,” tah ta.

ISAI 13:8

Chipa ta y aw ei ta, Pasana nata rietheitaona ta âmo cha a patu aw; Chanô saw a zeihpa hawhta, Pachârôh ngaitapa ta ama y aw. Thlazoh pachârôhpa ta a moh raihrie aw ei ta, Ama hmiazy meipaleih hawhta a saih aw.

ISAI 19:16

Cha noh liata, Izi mo cha chanô lyu aw ei ta, Pheisaihzy Abeipa ta ama chô liata a ku a chatho thlupa hmiakô liata chipa ta amâ chalyu aw.

ISAI 42:17

Tho nothlahpazy ngâ ei ta, Thua nothlahpazy hnohta, “Eima khazohzy nama châ,” A tahtuhpazy cha, Pakuasapa châ aw ei ta, Thata maopaphyuhpa ama châ aw.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 46:15

Kheihtazieta ma na pasaiphazy ama pao thlâh ha tly? Abeipa ta a taikhy hapa vâ ei ta, Amâ duah thei khao leipa a châ.

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

ZEREMIAH 49:29

Ama poh ozy nata ama sahrohzy lapa châ aw ta, Ama pohraipazy nata ama hmobaoh zydua lapa a châ aw; Ama râraoseihpazy siekheipa châ aw ta, Chyhsazy ta, ‘Su to liata chichhihpa a y,’ Tahpa ta ama awsao aw.

ZEREMIAH 49:5

Pachâ teh, na chheipâh chyhsa zydua tawhta Na chô liata chichhihna ei vaw patlôsa aw; Chyhsa to su to lâta to papuapa châ aw ei chi ta, Arâpazy a pakhy awpa y aw veih ei,” Pheisaihzy Abeipa Zehôvâh ta a tah.

ZEREMIAH 6:25

Chariahpa ta zaozi hnei ta, Su to liata chichhihna a ypa vâta, Lyurâhpa lâ pua leipa u la, Lâpi liata chhao si hra khuh vy.

EZEKIA 32:10

Phopi hluhpi ta noâh ama tah awpa ta cha tao aw na ta, Ama hmiakô liata ei zaozi ei pahieh tita, Nâma vâta ama beizy chhao ama chi ngaita aw. Na pao noh liata cha, Chyhsa to ta ama hrona pahlei awpa chipa ta, Khâ amâ chalyu aw.

EZEKIA 39:18

Chyhsa rônahpazy sa niepa ta, lei beimachâzy thisaih doh aw ei chi ta, mietaku tôhpazy, mietakutawzy, mie tôhpazy nata viahchao tôhpazy thisaih nama doh aw. Viahchao tôhpa zydua cha Bâsanâ viahchao tôhpa thawhpazy ama châ.

NÂHU 2:8

Ninivâ cha ti ta â râsaipa Tipo hawhta a châ bâ. “A duah teh! A duah teh!” tah ei ta, Châhrasala ahy hmahta hnôh lâ a heih veih ei.

NÂHU 2:9

Tâkâ hrao u la, Ngôh hrao teh u! Ryusôhpa chhâ tiah leipa ei ta, Sôhthih nata hmo sôhpazy chhâ tiah vei.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.