ZEREMIAH 45:5 - Mara Bible RV (BSI)

⁵ Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

ZEREMIAH 45:5 ပူးပေါင်းရင်းမြစ်များ

ÂTHAONA 6:12

Khazohpa ta alei cha moh ta, alei chô chyhsa zydua ta ama molei khai hapa vâta a rao khai hapa ta hmô ta.

1 ABEIZY 3:11

Khazohpa ta a hnohta, “Hro pasina hiah leipa chi ta, hneirôna hiah hra leipa chi ta, na chariahpazy thina chhao hia leipa chi ta, hmo dopa pahno thei nawpa novâhna tlao na hiapa vâta,

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

2 ABEIZY 5:26

Elaisâh ta a hnohta, “Kha chyhsa ta châ tyh awpa ta a talailih tawhta â vaw lie nona kha, ei palôh na hnohta a vaw sie ha mâh tâh. He daihti he tâkâ zy, chysia zy, ôli sadô zy, kre sadô zy, mietaku zy, viahchao tôhpa zy, seichapawzy nata seichanôzy a hlâ nawpa daihti a châ ma?

HLAZY 131:1

Hy Abeipa, ei palôh lai leipa ta, Ei mo a sâh vei; Hmo rônahpazy hnei nawpa sai pachâ leipa na ta, Hmo khochhihpazy hnei nawpa sai pachâ va na.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ZEREMIAH 21:9

He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 25:15

Abeipa, Izarei Khazohpa ta hetana heta eina chho: “He hiehâhna kresawhti nyu he ei ku tawhta la la, ama hnohta ei cha tuana phopi zydua padosa mah y.

ZEREMIAH 25:16

Doh aw ei ta, ama hry liata ei tua awpa zaozi vâta, paochheichhâ aw ei ta, ama hru aw.”

ZEREMIAH 25:26

maw lâta bei zydua, lâhla nata lâhnia a pazi lymâpa ta, hiehâhna nyu cha padosapa châ ei ta, alei chô liata a ypa khizaw khinarâh zydua chhao padosapa ama châ. Âmo khai tawhta Babylaw bei ta a doh awpa a châ.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

ZEREMIAH 38:2

“Abeipa ta hetana heta a tah: he khihpi liata a ypazy cha, zaozi nata chakâhna nata potlana ta thi awh ei ta, Kaldia mo lâ a puapazy deikua cha ama hroh aw. Chariah patupa hawhta hroh aw ta, a hrona chhâ cha a pabohsa aw.

ZEREMIAH 39:18

Cha pachha tlai aw na ta, zaozi ta pao leipa aw chi ta, kei eina ngâpa vâ chi ta, na hrona na paboh aw, Abeipa ta a tah,’ tahpa ta kei chho mah y,” tah ta.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.