ZEREMIAH 45:3 - Mara Bible RV (BSI)

³ ‘Ei hu a po kaw dia! Abeipa ta ei sa pasana liata pachârôhna na baichha ha ta, ei hro chhao panao pâ khai ha ta, huhnona rai hmô thei va na,’ tah chi ta.

ZEREMIAH 45:3 ပူးပေါင်းရင်းမြစ်များ

ZAWBÂ 23:2

“Tanoh chhao he palôh pasa ngaitapa ta ei paphôh heih aw, Thata a hrô na ta ei bâh ei pathliah ha bâ hih.

HLAZY 120:5

Mese mo râh liata y na ta, Kedâ mo poh ozy hry liata pahrâpa cha, Ei hu a po kaw dia!

HLAZY 27:13

Ahrohpa râh liana heta, Abeipa phana ei hmô aw tahpa ei ngiapâ.

HLAZY 42:7

Na tisaozy a aohpa ta, Ti athupa nata ti athupa a awsao ei ta, Na tilyzy nata na tichatlaopazy ta eina vao ei.

HLAZY 6:6

Ei hrôna ta ei thachhâ ta, Zâ chareih ei rakhô liata mothlih tipaua tlô ta, Ei khôpheih chana mothlih ta ei padâ khai ha tyh.

HLAZY 6:7

Ei mo he pachârôhna vâta rao khai ha ta, Nâ dyuhtuhpazy vâta a zoh via rili.

HLAZY 69:3

Ei awna ta ei thachhâ ta, Ei rao chhao hi khai ha ta, Ei Khazohpa ei hâna ta ei mo a zoh khai haw.

BIESOZY 24:10

Tymâna noh liata na panao thlâh ha khiahta cha, Na thatlôna a chyh kaw tahna a châ.

ZEREMIAH 45:2

“Hy Bâruka y, Abeipa, Izarei Khazohpa ta na hnohta hetana heta a tah:

ZEREMIAH 8:18

Ei lyna lei ha ta, Pachârôhna na vaw tlô thlupa ta, Palôh pasana sai ta ei bie haw.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

CHAPHÔHTUNA 1:13

“Chô lâ tawhta mei za tuah ta, Ei rupa chhôh liata a pangiasa haw; Ei phei châta sao parai ta, Eina pakuasa haw; Noh y ta ziahzirohpa ta na paysa ta, Panaopa ta eina paysa haw.

CHAPHÔHTUNA 1:22

“Ama paraona zydua na hmiakô liata vaw tlô sala, Âmo cha hria mah y; Ei paraona zydua vâta ei chô liata na taopa hawhna heta, Âmo chô liata chhao tao mah y; Thata a hrô na ta, Ei palôh a panao khai ha hih.”

CHAPHÔHTUNA 3:32

Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei.

2 KAWRINI 4:1

Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

2 THYSALAWNIKA 3:13

Unawh saih u, nâmo deikua cha, hmo pha tao ai khuh vy.