ZEREMIAH 45:1 - Mara Bible RV (BSI)

¹ He he Zôsia sawchapawpa Zudâh bei Zehôki abeina kô palihna liata, Zeremiah ta Neriah sawchapaw Bâruka a chhopa, Zeremiah pakah tawhta a puapa biezy hawh tlai ta Bâruka ta châbu liata a ropazy a châ.

ZEREMIAH 45:1 ပူးပေါင်းရင်းမြစ်များ

2 ABEIZY 24:1

Zehôki â bei nota Babylaw bei Nebukaneza ta Zerusale siehnao ta, Zehôki cha ano chakaotuhpa ta kô thôh y ta. Cha khai tawhta Zehôki ta Nebukaneza cha a heihsaipa ta, a chariah ha ta.

2 THÂTIHZYRONA 36:5

Zehôki cha kô kih nata kô pangawhpa a châ nota a bei pathao ta, Zerusale liata kô hrawh hleikha â bei. Abeipa a Khazohpa mohmô liata hmo pha leipa tao ta.

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

ZEREMIAH 26:1

He he Zôsia sawchapawpa Zudâh bei Zehôki ryureina â thaona daihti liata Abeipa tawhta bie a vaw tlôpa a châ:

ZEREMIAH 32:12

Achaleina ryuchâ cha, ei heinawhpa Hâname moh­mô liata nata ryuchâ liata ama moh a roh hrapa pahnokheituhpazy nata vaituhpa dôhpachhôh tlyhmia liata Zu chyhsa a tyuhpa zydua mohmô ta Mâsei saw­chapawpa Neriah sawchapawpa Bâruka hnohta pie na ta.

ZEREMIAH 32:16

“Neriah sawchapawpa Bâruka hnohta chaleina ryuchâ ei pie khai tawhta, hetana heta Abeipa lâta thlah ei chhâ:

ZEREMIAH 36:1

He he Zôsia sawchapawpa Zudâh bei Zehôki abeina kô palihna liata, Zeremiah hnohta Abeipa bie vaw tlôpa a châ.

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 36:26

Chatawhcha abei ta abei sawchapawpa Zerame nata Azarie sawchapawpa Seriah nata Abade sawchapawpa Selemiah zy cha, chârohtuhpa Bâruka nata hrohsopa Zeremiah patu awpa ta biepie ta. Châhrasala Abeipa ta âmo cha a nyu ha ei.

ZEREMIAH 36:32

Chatawhcha Zeremiah ta châbu hropa la ta, Neriah sawchapawpa chârohtuhpa Bâruka cha pie ta. Zudâh bei Zehôki ta mei ta a rao hapa châbu bie zydua kha, Zeremiah ta a pakah ta Bâruka chho ta, Bâruka ta roh heih ta. Cha biezy a lyupa bie hropa hluhpi chhao baichhapa a châ.

ZEREMIAH 36:4

Chatawhcha Zeremiah ta Neriah sawchapaw­pa Bâruka aw ta, Abeipa ta a hnohta bie a reipa zydua Bâruka chho ta, cha biezy cha Bâruka ta châbu liata roh ta.

ZEREMIAH 45:2

“Hy Bâruka y, Abeipa, Izarei Khazohpa ta na hnohta hetana heta a tah:

ZEREMIAH 46:2

He he Izi kyh châ ta, Zôsia sawchapawpa Zudâh bei Zehôki abeina kô palihna liata, Ufrâti chavah kiah liata Kâkhemi khihpi liata adyuhna y ta, cha liata Babylaw bei Nebukaneza ta Izi bei Phiraoh Nekô pheisaihzy a pahniena kyh a châ:

ZEREMIAH 51:59

He bie he Zudâh bei Zedekia ryureina kô palihna liata Babylaw lâ siekheipa a châ nota, a hnohta a sie hrapa Mâsei sawchapawpa Neriah sawchapawpa Seriah hnohta, Zeremiah ta bie a piepa a châ. Seriah cha abei o liata hyutuh chaipa a châ.

DÂNIAH 1:1

Zudâh bei Zehôki ryureina kô thôhna liata, Babylaw bei Nebukaneza Zerusale lâ a vy ta, Zerusale khihpi cha dôh ta.