ZEREMIAH 44:7 - Mara Bible RV (BSI)

⁷ “Chavâta tahmâ Zehôvâh Khazohpa Atotaotheipa, Izarei Khazohpa ta hetana heta a tah: Khazia cha hawhpa moleina rarôh y ngaitapa cha nâmosasyh ta namâ tao thlu? Khazia chanô nata chapaw, hawsaih nata hawti zy Zudâh tawhta chhawh pathlah khaipa ta ypa ta, laibâhpazy hnei khao leipa ta nama y aw tly?

ZEREMIAH 44:7 ပူးပေါင်းရင်းမြစ်များ

BIESOZY 1:18

He chyhsazy heta âmo thisaih a byh ei ta, Âmo hrona amâ byh.

BIESOZY 15:32

Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.

BIESOZY 5:22

Hmoparaopa cha a paraona khoheih liata a ao aw ta, A moleina chaori ta â ipa ta a chahry aw.

BIESOZY 8:36

Nâ hmô leipa deikua cha anosasyh ta hmah a paphao ta, Nâ haopa zydua chhao thina kyh a pachâpa ama châ.”

ZEREMIAH 25:6

Khazoh hropazy pazi leipa u la, âmo cha chakao leipa ta, a chhy hra leipa u la, nama ku ta a taopazy ta ei hie na pahâh hra khuh vy. Cha hawhta nama tao khiahta cha, cha pasasa aw veih ei na,’ tahpa ta Abeipa bie cha chho ei ta.

ZEREMIAH 25:7

Châhrasala na nathlie veih ei chi. Nama ku ta a taopazy ta ei hie na pahâh ei chi ta, nâmosasyh ta namâ pasasa tyh,” Abeipa ta a tah.

ZEREMIAH 26:19

“Zudâh bei Hezekia nata Zudâh mo zydua ta Mikâ kha ama thie ma? Hezekia ta Abeipa cha chipa ta, Abeipa khokheina a haw ta, chatanachata Abeipa ta ama chô liata chhiena patlôsa awpa a phuahpa kha a pathleih hapa châ vei ma? Keimo deikua cha eima chô liata chhiena rarôh ypa eima patlôsa aw hih,” tah ei ta.

ZEREMIAH 3:24

“Châhrasala eima thyutlia daihti tawhta, nozachhihpa hmo chata miah pathlatuhpazy vaw hriapasana zydua nie khai ha ta, ama mietaku zawzy, ama viahchao hrizy, ama sawchapawzy nata ama sawchanôzy a nie khai ha ei.

ZEREMIAH 38:17

Chatawhcha Zeremiah ta Zedekia hnohta, “Pheisaihzy Khazohpa Abeipa, Izarei Khazohpa ta hetana heta a tah: Babylaw bei beimachâzy liata nâ hlâ khiahta cha, na hro pabohsa aw chi ta, khihpi he mei ta raopa châ leipa aw ta, nâ nata na chhôhkha nama hro awh.

ZEREMIAH 42:20

Nâmo tlai ta, ‘Abeipa eima Khazohpa lâ thlah miah chhâpa la, Abeipa eima Khazohpa ta a reipa maih miah chho la, eima tao aw,’ tahpa ta Abeipa nama Khazohpa lâ na tuah ei chi ta, châhrasala dôveina nama palôh liata a ypa tlao a vaw châ.

ZEREMIAH 44:14

Cha hriena cha, Izi râh liata pahrâ awpa ta a vaw siepa Zudâh laibâhpa ahy hmahta khôkhâh leipa aw ei ta, hriena tawhta a boh hra leipa aw ei ta, kua heih ta pahrâ heih awpa ama kho kawna Zudâh râh lâ chhao, ahy hmahta kua heih thei aw veih ei. Arulâta a râpazy tah leipa ta cha, ahy hmahta kua heih khao aw veih ei.”

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

ZEREMIAH 51:22

Nâma hmâpa ta chanô nata chapaw chaphie ei na ta, Nâma hmâpa ta hawti nata machâ ei chaphie ha ei. Nâma hmâpa ta satlia nata laihsa chaphie ei na ta,

ZEREMIAH 7:19

Keima hie pahâhpa hawhta ma ama pachâ? Âmosasyh ta ama no amâ pazapa tlao châ vei ma? Abeipa ta a tah.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:22

Kyhchhi noh hawhta awpakhy chi ta, Chichhihpazy su tawhta eina vaw tlô thlu ei; Abeipa hiehâhna noh liata la, Arâpa nata ahrohpa rai y veih ei; Ei sawzy nata ei mohôhpazy cha, Ei chariahpa ta a pahleipadia khai ha ei.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

EZEKIA 9:6

Machâpazy, satliazy, laihsazy, hawtizy nata nôzy thie khai u la, ngiana a hneipazy deikua cha a hnia khuh vy. Ei supathaihpa tawhta a thao muh vy,” tah ta. Chatanachata Achhyna o hmia liata a ypa machâzy tawhta pathao ei ta.

HABAKU 2:10

Phopi hluhpi chhawh pathlah chi ta, Na chhôhkha nozapa ta na soh; Nâma hrona tlai chhao na pahlei.

MALUHREINA 16:38

Ama hrona pahleina taihta a moleipa chyhsazy ropahâhpa raona biebuh châ ta, maisâh khuna châta a phiapa ta daihpa châ mawh sy. Abeipa hmiakô liata hlâ hapa a châpa vâta, pathaihpa ama vaw châ haw. Cha cha Izarei sawzy châta ngiana a châ aw,” tah ta.

RYHPACHANEINA 32:25

Khôtho lâta zaozi ta thi aw ei ta, O chhôh liata thlazohpa ta ama y aw; Satlia nata laihsa zy thi aw ei ta, Sâhpi a ngiehpa nata sâ pawhpazy ama thi khai aw.

ZAWSUA 6:21

Khihpi liata a ypa zydua, chanô chapaw, hawti machâ, viahchao, mietaku nata alâ zy zaozi ta ama thie khai haw.

RYUREITUHPAZY 21:11

He hawhta nama tao aw: chapaw zydua pahleipadia khai aw ei chi ta, chapaw a zialâh hapa chanô zydua chhao nama pahleipadia khai aw,” tahpa ta biepie ei ta.

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.

1 SAMUELA 22:19

Chatawhcha Sawla ta theihthaipazy yna Nôbâ khihpi cha zaozi ta a dyuh ta, chanô nata chapaw, hawti nata sâhpi a ngiehpa, viahchao, alâ nata mietaku zy chhao zaozi ta a chhawhsao khai ha ei.