ZEREMIAH 43:12 - Mara Bible RV (BSI)

¹² Izi khazohzy o liata mei patih aw na ta, khazoh ozy cha Nebukaneza ta mei ta rao aw ta, khazoh nothlahpazy a siekhei ha aw ei. Mietaku vaituhpa ta a chyhsa liata lôvâpazy a pathaipa hawhta, Izi râh cha pathai aw ta, cha su tawhta thlalôhpa ta a pua aw.

ZEREMIAH 43:12 ပူးပေါင်းရင်းမြစ်များ

2 SAMUELA 5:21

Philistinâ mo ta ama khazoh nothlahpazy a râsai ha ei ta, chazy cha Dâvi nata a chyhsazy ta la ei ta.

ESTHERI 6:9

Abei chysiazy nata arâ cha beimachâ nôpaw chaipazy ku liata hlâpa châ sala, abei ta a palyupalih khohpa cha âmo ta tobi ei sala, arâ pakiasa ei sala, khiliah chahryh khei mawh ei sy. A hmia lâta sie aw ei ta, a hmiakô liata, ‘Abei ta a palyupalih khohpa chyhsa cha, hetana heta taopa a cha aw,’ tahpa ta ama phuah laih lymâ aw,” tah ta.

ZAWBÂ 40:10

“Abeina nata zachhihna poh a bu la, Palyupalihna nata rônahna chysia a tobi mah y.

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 132:16

A theihthaipazy pachhana ta tobi aw ei na ta, A mopathaihpazy thaphapa ta ama rahao aw.

HLAZY 132:18

A chariahpazy nozana ta tobi aw ei na ta, Ano lakho deikua cha a khaih lymâ aw.”

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ISAI 21:9

Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.

ISAI 46:1

Bel a bôh ta, Nebô â pahnai; Ama khazoh nothlahpazy cha, Râhsazy nata sahrohzy chô liata ama khaih. He hmozy nama phaopa he, Sahroh thachhâpazy chô liata Phaohri hawh deita a châ.

ISAI 46:2

A zâ pahnaipa ta a zâ bôh khoh ei ta, Phaohri deikua chapawh thei hlei veih ei; Âmo tlai chhao sei châna lâ ama sie.

ISAI 49:18

A heih la, na chheipâh zydua moh tua, Na saw zydua a pahmaoh ei ta, Ama cha vaw pangai hih. Ei hrona reipa ta ei reih,” Abeipa ta a tah. “Sôh nata thih hawhta, Âmo cha nâ tobina ta hmâh aw chi ta, Myuh thieh chysia hawhta nâ tobi aw ei.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 59:17

Siana chachôhna vyhphao a ky ta, Pachhana lakhu â khu; Phuh lana chysia a tobi ta, Hiehâhna poh â bu.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 61:5

Hmia pahno leipazy ta nama sahroh zawzy a duapâ aw ei ta, Ama lao ama pabâsa aw; Chihropazy ta nama leizy palie aw ei ta, Nama kre sadôzy ama mohôh aw.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 25:19

Izi bei Phiraoh, a chakaotuhpazy, a beimachâzy, a phopi zydua

ZEREMIAH 43:13

Izi râh liata Heliôpôli panana tôhzy thlie aw ta, Izi khazohzy achhyna ozy chhao mei ta a rao khai ha aw,’” tah ta.

ZEREMIAH 46:25

Pheisaihzy Abeipa, Izarei Khazohpa ta hetana heta a tah: “Moh teh u, Thebe khihpi liata Amaw khazoh, Phiraoh, Izi nata a khazohzy nata a beizy, Phiraoh nata ano a ngâtuhpazy chô liata hriena ei patlôsa aw.

ZEREMIAH 48:7

“Na hmotaopazy nata na ryusôhpazy na ngâpa vâta, Nâ chhao lapa châ aw chi ta, Khemô cha seichâna lâ a sie aw, A theihthaipazy nata a beimachâzy chhaota.

ZEREMIAH 49:27

“Dâmaskâ thokhy liata mei patih aw na ta, Benhadâ abei ozy a kâ khai aw,” Pheisaihzy Abeipa ta a tah.

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

EZEKIA 29:11

Chyhsapa phei ta tly beih khao leipa aw ta, sazy phei ta chapia beih khao aw vei. Kô sypalih chhôh chyhsapa pahrâ leina râh a châ aw.

EZEKIA 29:19

Chavâta Abeipa Zehôvâh ta hetana heta a tah: Pachâ teh u, Izi râh cha Babylaw bei Nebukaneza pie aw na ta, a hneirônazy siekhei khai aw ta, râh hneirônazy la khai aw ta, a hrao khai aw. Cha hraona sôh cha a pheisaihzy hlao châta a châ aw.

EZEKIA 30:13

“Abeipa Zehôvâh ta hetana heta a tah: ‘Khazoh nothlahpazy parao aw na ta, Mephi liata nothlahpazy ei pahleipadia aw; Izi liata abeisaw y khao leipa aw ei ta, Izi râh liata china ei paysa aw.

DÂNIAH 11:8

Ama khazoh zy, ama khazoh nothlahpa thua ta leihpa zy, tâkâ nata ngôh ta taopa ama hmobaoh sôhpazy Izi râh lâ siekhei aw ta, kô khazie chhôh ma cha maw bei a dyuh khao aw vei.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

EPHESI 4:24

siana nata pathaihna hmeiseihpa liata Khazohpa lyupa ta taopa chyhsa thiehpa ta a tobi teh u.

EPHESI 6:11

Ahripa reipasaonazy nama pahnie thei nawpa ta, Khazohpa chariah chhaichhi pakipa ta a tobi teh u.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

KAOLAOSÂ 3:14

Cha zydua hlâta a peimawh chaipa cha, kyhpachâna ta a tobi teh u. Kyhpachâna cha ato zydua a ryh ngaitapa ta a chahry pabaohtuhpa a châ.